મુંબઈ: સુપરસ્ટાર અમિતાભ બચ્ચન અને પ્રભાસની ફિલ્મ ‘કલ્કી 2898 એડી’એ બોક્સ ઓફિસ પર ધૂમ મચાવી દીધી છે. પહેલા અઠવાડિયે શાનદાર કમાણી કર્યા બાદ બીજા અઠવાડિયે પણ ફિલ્મે સારું કલેક્શન કર્યું છે. હવે ‘કલ્કી 2898 એડી’એ સ્થાનિક બોક્સ ઓફિસ પર મજબૂત રેકોર્ડ નોંધાવ્યો છે. માત્ર 11 દિવસમાં ફિલ્મે દેશભરમાં 500 કરોડનો આંકડો પાર કરી લીધો છે. આવો તમને જણાવીએ કે આ ફિલ્મે દેશભરમાં અત્યાર સુધીમાં કેટલા કરોડની કમાણી કરી છે.
‘કલ્કી 2898 એડી’ બોક્સ ઓફિસ પર સતત કમાણી કરી રહી છે. ફિલ્મે પહેલા અઠવાડિયામાં જ 414 કરોડ રૂપિયાની કમાણી કરી હતી. તે જ સમયે, ફિલ્મે બીજા વીકએન્ડ પર પણ શાનદાર કલેક્શન કર્યું છે. SACNILCના રિપોર્ટ અનુસાર, બીજા શનિવારે એટલે કે 10માં દિવસે ‘Kalki 2898 AD’ એ 34.15 કરોડ રૂપિયાનો બિઝનેસ કર્યો હતો. તે જ સમયે બીજા રવિવારે એટલે કે 11માં દિવસે ફિલ્મે 44.35 કરોડ રૂપિયાની કમાણી કરી હતી. આમાં માત્ર હિન્દી વર્ઝનનું કલેક્શન 22.5 કરોડ રૂપિયા છે.
આ ફિલ્મ 500 કરોડના ક્લબમાં સામેલ થઈ
Sacknilk અનુસાર પ્રભાસની સાયન્સ-ફિક્શન ફિલ્મ ‘Kalki 2898 AD’એ અત્યાર સુધી ભારતમાં 510 કરોડ રૂપિયાનો બિઝનેસ કર્યો છે. આમાં તમામ ભાષાઓની કમાણીનો સમાવેશ થાય છે. આ ફિલ્મે માત્ર હિન્દી વર્ઝનથી 212.4 કરોડ રૂપિયાની કમાણી કરી છે. આ રીતે તેલુગુ વર્ઝને 29.8 કરોડનો, કન્નડ વર્ઝને 18.3 કરોડનો બિઝનેસ કર્યો છે. આ ફિલ્મે તેલુગુ અને હિન્દી વર્ઝનમાં સૌથી વધુ કમાણી કરી છે.
તમને જણાવી દઈએ કે પ્રભાસની ફિલ્મ ‘કલ્કી 2898 એડી’ વર્ષ 2024ની બહુપ્રતિક્ષિત ફિલ્મોમાંથી એક રહી છે. એડવાન્સ બુકિંગમાં જ ફિલ્મે જોરદાર બિઝનેસ કર્યો હતો. તેના નિર્દેશક નાગ અશ્વિન છે. ફિલ્મમાં પ્રભાસ સિવાય અમિતાભ બચ્ચન, દીપિકા પાદુકોણ, દિશા પટણી અને કમલ હાસને કામ કર્યું છે. આ સિવાય વિજય દેવરકોંડા, મૃણાલ ઠાકુર, એસએસ રાજામૌલી, રામ ગોપાલ વર્મા, દુલકર સલમાને કેમિયો કર્યો છે. વેલ, ‘કલ્કી 2898 એડી’ની વાર્તા હજી પૂરી થઈ નથી. તેની સિક્વલ પણ ટૂંક સમયમાં લાવવામાં આવશે.
