IPL 2025: રાહુલ દ્રવિડ બન્યા રાજસ્થાન રૉયલ્સના હેડ કોચ

નવી દિલ્હી: રાહુલ દ્રવિડનો ભારતીય ટીમના હેડ કોચ તરીકેનો કાર્યકાળ ગત જૂન મહિનામાં T-20 વર્લ્ડ કપ જીતવાની સાથે સમાપ્ત થયો. હવે દ્રવિડે IPLમાં એન્ટ્રી કરી છે. રાજસ્થાન રોયલ્સે તેમને નવા મુખ્ય કોચ બનાવ્યા છે. રાજસ્થાન રોયલ્સ ટીમ સાથે દ્રવિડનું જૂનું કનેક્શન છે. તેઓ IPL કારકિર્દી દરમિયાન રાજસ્થાનના કેપ્ટન રહી ચૂક્યા છે. આ પછી તેઓ ટીમના મેન્ટર પણ બન્યા હતા. દ્રવિડ રાજસ્થાન બાદ દિલ્હી ડેરડેવિલ્સ સાથે જોડાયા હતા.રાહુલ દ્રવિડે તાજેતરમાં જ રાજસ્થાન રોયલ્સની ફ્રેન્ચાઈઝી સાથે કોચ તરીકેની ડીલ સાઈન કરી છે. ઈ.એસ.પી.એન. ક્રિકઈન્ફોના અહેવાલ મુજબ, તેમણે ફ્રેન્ચાઈઝી સાથે જોડાતાની સાથે જ પોતાનું કામ શરૂ કરી દીધું છે. મેગા ઓક્શન પહેલા ટીમના નવા કોચે ખેલાડીઓને જાળવી રાખવા અંગે ચર્ચા કરી હતી.