Thursday, June 12, 2025
Google search engine
HomeNewsInternationalપેરિસ ઓલિમ્પિકના ઉદઘાટન પહેલાં ફ્રાંસમાં રેલ નેટવર્ક પર હુમલો

પેરિસ ઓલિમ્પિકના ઉદઘાટન પહેલાં ફ્રાંસમાં રેલ નેટવર્ક પર હુમલો

પેરિસઃ પેરિસમાં ઓલિમ્પિક ઉદઘાટનના થોડા કલાકો પહેલાં ટ્રેન નેટવર્ક પર મોટો હુમલો થયો છે. ફ્રાંસિસી રેલવે કંપની SNCFએ શુક્રવારે કહ્યું હતું કે હાઇ-સ્પીડ TGV નેટવર્કને મોટું નુકસાન પહોચાડ્યું છે. એનો ઉદ્ધેશ દેશના હાઇ-સ્પીડ નેટવર્કને નબળું કરવાનો હતો.

SNCFએ બધા યાત્રીઓને યાત્રા સ્થગિત કરવાની અપીલ કરી છે. ટ્રેન નેટવર્કમાં આવેલી ખરાબીને ઠીક કરવા માટે કવાયત ચાલી રહી છે. ટ્રેન ઓપરેટર SNCFએ શુક્રવારે પેરિસ ઓલિમ્પિકના ઉદઘાટન સમારોહના થોડા કલાકો પહેલાં કહ્યું હતું કે ફ્રાંસનું હાઇ-સ્પીડ રેલ નેટવર્ક આગ સહિત ગેરકાયદે કૃત્યો કરનારાઓની ચપેટમાં આવી ગયું છે, જેનાથી ટ્રેનોનું સંચાલન સંપૂર્ણપણે બંધ થઈ ગયું છે.આ હુમલામાં તોડફોડ પણ સામેલ છે. SNCFએ જણાવ્યું હતું કે એ TGV નેટવર્કને અપંગ બનાવવા માટે મોટા પાયે કરવામાં આવેલો એક મોટો હુમલો છે. અનેક રૂટોની ટ્રેનો રદ કરી દેવામાં આવી છે. SNCF રાતભરમાં એકસાથે અનેક ગેરકાયદે કૃત્યોનો શિકાર થયો છે. આ હુમલામાં એટલાન્ટિક ઉત્તરી અને પૂર્વી લાઇનો પ્રભાવિત થઈ છે.

રેલવે નેટવર્કને ખોરવવા માટે આગ લગાડવામાં આવી હતી, જેથી આ ઘટનાઓથી રેલવે નેટવર્ક સંપૂર્ણપણે ખોરવાયું હતું.એક નિવેદનમાં કહેવામાં આવ્યું હતું કે ટ્રેનોને અલગ-અલગ ટ્રેકો પર મોકલવામાં આવી રહી છે, પણ અમારે મોટી સંખ્યામાં ટ્રેનોને રદ કરવી પડશે.જોકે દક્ષિણ-પૂર્વ લાઇન હાલ પ્રભાવિત નથી, કેમ કે આ વિસ્તારોમાં હુમલાઓને વિફળ કરવામાં સફળતા મળી છે. SNCFએ યાત્રીઓને રેલવે સ્ટેશનોથી દૂર રહેવાની અપીલ કરી છે. આ હુમલામાં આઠ લાખ યાત્રીઓને અસર પહોંચી હતી.

RELATED ARTICLES
- Advertisment -
Google search engine

Most Popular