ક્વેટોઃ ઇક્વાડોરના રાષ્ટ્રપતિપદના ઉમેદવાર ફર્નાડો વિલાવિર્સિયોની બુધવારે ક્વિટોમાં એક ચૂંટણી સભા આયોજિત કર્યા પછી ગોળી મારીને હત્યા કરવામાં આવી હતી. સ્થાનિક મિડિયાએ ઇન્ટિરિયર મંત્રી જુઆન જપાટાના હવાલાથી આ ન્યૂઝની પુષ્ટિ કરી હતી. 59 વર્ષીય વિલાવિર્સેશિયો 20 ઓગસ્ટથી રાષ્ટ્રપતિ ચૂંટણીના આઠ ઉમેદવારોમાંથી એક હતા.
સોશિયલ મિડિયા પર વાઇરલ થઈ રહેલા વિડિયોમાં ફર્નાડોને સુરક્ષા કર્મચારીઓના ઘેરાવમાં કાર્યક્રમમાંથી નીકળતા જોઈ શકાય છે. આ વિડિયોમાં તેમને એક સફેદ ટ્રકમાં પ્રવેશ કરતા અને તેમના પર ગોળીઓ વરસાવતા જોવાયા હતા. ફર્નાડો બિલ્ડ ઇક્વાડોર મૂવમેન્ટના રાષ્ટ્રપતિપદના ઉમેદવાર હતા. તેઓ ઓગસ્ટના અંતમાં થનારી ચૂંટણીમાં રાષ્ટ્રપતિપદના આઠ ઉમેદવારોમાંથી એક હતા.
લૈસ્સોએ કહ્યું હતું કે તેમણે દેશને હચમચાવી મૂકનારી ઘટના પર તત્કાળ બેઠક માટે ટોચના સુરક્ષા અધિકારીઓને બોલાવ્યા હતા. લૈસ્સોએ પોસ્ટમાં કહ્યું હતું કે સંગઠિત ગુના બહુ આગળ વધી ચૂક્યા છે, આ મામલમાં કાયદો સંપૂર્ણ તાકાત સાથે લાગુ કરવામાં આવશે. 
તેઓ ભૂતપૂર્વ રાષ્ટ્રપતિ રાફેલ કોરિયાના 2007થી 2017 સુધીના કાર્યકાળમાં ભ્રષ્ટાચારની વિરુદ્ધ આગળ પડતા રહ્યા હતા. તેમણે કોરિયા સરકારના કેટલાય ટોચના સભ્યોની વિરુદ્ધ ન્યાયિક ફરિયાદ નોંધાવી હતી. આ હુમલામાં કેટલાય અન્ય લોકો ઘાયલ થયા હતા.
