કેરો (ઈજિપ્ત): અહીં કેરો શાંતિ શિખર સંમેલનમાં અમેરિકા વતી ભાગ લઈને ઈજિપ્ત ખાતે અમેરિકાની દૂતાવાસનાં મહિલા ચાર્જ દ’અફેર્સ બેથ જોન્સે કહ્યું કે, પેલેસ્ટાઈનનાં નાગરિકોને હમાસ આતંકવાદીઓ સાથે ગણવા નહીં. હમાસ આતંકવાદી સંગઠન પેલેસ્ટાઈનનાં લોકોનું પ્રતિનિધિત્વ કરતું નથી.
જોન્સે વધુમાં કહ્યું કે, પેલેસ્ટિનીયન્સ અને હમાસને સાથે ગણવાથી ગેરસમજ ઊભી થશે. હમાસ દ્વારા ફેલાવાતા ભયાનક આતંકવાદ માટે પેલેસ્ટાઈનવાસીઓને દોષ દેવો ન જોઈએ અને એમને ભોગવવું પડે એ બરાબર ન કહેવાય. નાગરિકોનાં જાનનું રક્ષણ થવું જ જોઈએ. જરૂરિયાતમંદોને સહાયતા તાત્કાલિક પહોંચાડવી જોઈએ. અમે આ માટે અમારા ભાગીદારો સાથે મળીને કામગીરી બજાવી રહ્યાં છીએ.
