બ્રસેલ્સઃ સંસદથી કોંગ્રેસ નેતા રાહુલ ગાંધીની અયોગ્યતા પર પ્રતિક્રિયા આપતાં જર્મનીએ કહ્યું હતું કે એણે આ મામલે ધ્યાન આપ્યું છે. જર્મની દ્વારા કહેવામાં આવ્યું છે કે એ આશા કરે છેક ન્યાયિક સ્વતંત્રતા અને મૌલિક લોકતાંત્રિક સિદ્ધાંતોના માપદંડ લાગુ પડશે. આ મામલે જર્મનીની પ્રતિક્રિયા અમેરિકા દ્વારા અપનાવવામાં આવેલા વલણના થોડા દિવસો પછી આવી છે. અમેરિકા દ્વારા આ મામલે કહેવામાં આવ્યું હતું કે કાનૂનનું શાસન અને ન્યાયિક સ્વતંત્રતા માટે સન્માન કોઈ પણ લોકતંત્રની આધારશિલા છે.
જર્મન વિદેશ મંત્રાલયના પ્રવક્તાએ પત્રકારોને સંબોધવા દરમ્યાન રાહુલ ગાંધીથી જોડાયેલા વિવાદ પર નિવેદન આપ્યું હતું. તેમણે કહ્યું હતું કે અમે ભારતીય વિપક્ષી નેતા રાહુલ ગાંધીની સામે પહેલાંના ઉદાહરણોની સાથે-સાથે તેમના સંસદીય જનાદેશને સસ્પેન્ડ પર ધ્યાન આપ્યું છે.
અમારી માહિતી અનુસાર રાહુલ ગાંધી નિર્ણયની સામે અપીલ કરવાની સ્થિતિમાં છે. એક અપીલ એ જણાવશે કે શુ નિર્ણય કાયમ છે અને સસ્પેન્શનનો આધાર શો છે? અમે અપેક્ષા કરીએ છીએ કે ન્યાયિક સ્વતંત્રતા અને લોકતાંત્રિક સિદ્ધાતોના માપદંડો લાગુ કરવામાં આવશે.
