જોહાનિસબર્ગઃ દક્ષિણ આફ્રિકાના જોહાનિસબર્ગના લેનાસિયા ઉપનગરમાં રવિવારે વાર્ષિક ગાંધી વોકની 35મી આવૃત્તિનું આયોજન કરવામાં આવ્યું હતું. છ કિલોમીટર લાંબી આ પદયાત્રામાં 2000થી વધુ લોકોએ ભાગ લીધો હતો. વર્ષ 2020માં પ્રસ્તાવિત ગાંધી વોકથી આશરે એક મહિને પહેલાં કોવિડ19 રોગચાળા આવ્યો હતો, જેથી ગાંધી વોક સમિતિએ આ પદયાત્રાને અનિશ્ચિત કાળ માટે સ્થગિત કરવાનો નિર્ણય લીધો હતો.
જોકે વર્ષ 2020માં ગાંધી વોકને બે ભાગમાં આયોજિત કરવાની યોજના હતી, જેમાં દોડવીરો માટે 15 કિલોમીટર દોડનું આયોજન કરવામાં આવ્યું હતું અને સામાન્ય લોકો અને વરિષ્ઠ નાગરિકો માટે પાંચ કિલોમીટર લાંબી પદયાત્રાનું આયોજન કરવામાં આવ્યું હતું.
1. Gather your Group.
2. Get your Walker Numbers.
3. Wear your T-shirts with your logo.
4. Raise your Banners and
5. Come do the #GandhiWalk THIS SUNDAY IN LENASIA and create awareness for your cause, org, club or small business!– a Community in Unity!#GW2023 pic.twitter.com/C6BtXoxkLE
— Gandhi Walk LENASIA (@GandhiWalkLENZ) September 12, 2023
પ્રાપ્ત માહિતી અનુસાર વર્ષ 2020માં પ્રસ્તાવિત ગાંધી વોકના આયોજન પર મોટું ફંડ ખર્ચ કરવામાં આવ્યું હતું અને આશરે 4000 લોકોએ એમાં ભાગ લેવા માટે રજિસ્ટ્રેશન કરાવ્યું હતું. રાષ્ટ્રપતિ સિરિલ રામાફોસાએ આ પદયાત્રા માટે નિર્ધારિત તારીખે એક પખવાડિયા પહેલાં સંપૂર્ણ લોકડાઉન લગાવવાની ઘોષણા કરી હતી. તેમણે આ પહેલાંના વાર્ષિક આયોજનમાં મુખ્ય અતિથિ તરીકે સામેલ થયા હતા અને તેમણે સામાજિત એકતા અને સદભાવને પ્રોત્યાહન આપવા માટે ગાંધી વોક સમિતિની પ્રશંસા કરી હતી.
રવિવારે આયોજિત ગાંધી વોકમાં મહાત્મા ગાંધીના હમશકલ હરિવદન પીતાંબર ફરી સામેલ થયા હતા. તેઓ આ પદયાત્રાનું મુખ્ય આકર્ષણ રહ્યું હતું. તેમણે સફેદ ધોતી અને ચશ્માં પહેરીને હાથમાં લાકડી પકડીને પદયાત્રામાં ભાગ લીધો હતો. રામાફોસાએ તેમની તરફ ઇશારો કરતાં કહ્યું હતું કે મને આમંત્રિત કરવા અને આ મહાન ગાંધી વોકનો ભાગ બનાવવા માટે તમારો આભાર.
