ભારતીય હોકી ટીમ સેમીફાઈનલમાં જર્મની સામે હારી ગઈ છે. જર્મનીએ ભારતને 3-2થી હરાવ્યું. આ હાર સાથે ટીમ ઈન્ડિયાનું ગોલ્ડ મેડલ જીતવાનું સપનું ચકનાચૂર થઈ ગયું છે. વાસ્તવમાં બંને ટીમો વચ્ચેની મેચ છેલ્લી ઘડી સુધી 2-2 ગોલથી બરોબર રહી હતી, પરંતુ રમત સમાપ્ત થવાની થોડી મિનિટો પહેલા જ જર્મનીએ ગોલ ફટકારી દીધો હતો. આ રીતે જર્મની 3-2થી જીતવામાં સફળ રહ્યું. હવે ભારતીય ટીમ બ્રોન્ઝ મેડલ માટે મેદાનમાં ઉતરશે.
Heartbreak in Paris 💔
A challenging semi-final ends in defeat for India against Germany. Hold your heads high, Team India, we are proud of you! We go against Spain for the Bronze Medal Match on 8th August.India 🇮🇳2️⃣-3️⃣🇩🇪 Germany
Harmanpreet Singh 7′ (PC)
Sukhjeet Singh 36’… pic.twitter.com/33MGD2ksVk— Hockey India (@TheHockeyIndia) August 6, 2024
પેરિસ ઓલિમ્પિક 2024માં ભારતીય હોકી ટીમને સેમિફાઇનલમાં હારનો સામનો કરવો પડ્યો છે. આ સાથે ટીમ ઈન્ડિયાનું 44 વર્ષ બાદ ફાઇનલમાં પહોંચવાનું સપનું પણ ચકનાચૂર થઈ ગયું. રોમાંચક સેમિફાઇનલ મેચમાં જર્મનીએ ભારતને 3-2થી હરાવ્યું અને આ સાથે ફાઇનલમાં પ્રવેશ કર્યો. આ સાથે જ ટીમ ઈન્ડિયાને ગોલ્ડ મેડલ જીતવા માટે ફરી એકવાર રાહ જોવી પડશે. આમ છતાં ભારતીય ટીમ પાસે પેરિસમાંથી મેડલ જીતીને પરત ફરવાની તક છે. ટીમ ઈન્ડિયા હવે બ્રોન્ઝ મેડલ માટે દાવો કરશે, જ્યાં તેનો મુકાબલો 8 ઓગસ્ટે સ્પેન સાથે થશે. ગોલ્ડ મેડલ માટે જર્મનીનો મુકાબલો નેધરલેન્ડ સાથે થશે.
