ICCનો ઐતિહાસિક નિર્ણય! વુમન્સ ટી20 પ્રાઈઝ મની કરી મેન્સ સમાન

ઈન્ટરનેશનલ ક્રિકેટ કાઉન્સિલ (ICC) એ ઐતિહાસિક નિર્ણય દ્વારા ICCએ વુમન્સ ક્રિકેટને મેન્સ ક્રિકેટના સમાન લાવી દીધું છે. નવા નિર્ણય બાદ આઈસીસી ICCમાં જેટલા રૂપિયા પુરુષને મળશે તેટલા જ રૂપિયા મહિલાઓને પણ મળશે. આ રીતે ICCએ મેન્સ અને વુમન્સ ક્રિકેટ માટે પ્રાઈઝ મની સમાન કરી દીધી છે. તેની શરૂઆત વુમન્સ ટી20 વર્લ્ડ કપ 2024થી થઈ જશે. વુમન્સ ટી20 વર્લ્ડ કપ 2024 પહેલી ટુર્નામેન્ટ હશે જેમાં મહિલાઓને પુરુષ ટીમના સમાન પ્રાઈઝ મની મળશે.ICCના વાર્ષિક અધિવેશન જુલાઈ 2023માં આ નિર્ણય લેવામાં આવ્યો હતો. તે સમયે ICCએ લક્ષ્ય રાખ્યુ હતુ કે આગામી અમુક વર્ષોમાં મહિલા અને પુરુષ ક્રિકેટરોને સમાન પ્રાઈઝ મની મળશે. ICCની જાહેરાત બાદ સંયુક્ત અરબ અમીરાતમાં થનારી વુમન્સ ટી20 વર્લ્ડ કપમાં જીતનારી ટીમને 2.34 મિલિયન અમેરિકી ડોલર મળશે. ભારતીય રૂપિયામાં આ રકમ લગભગ 20 કરોડ રૂપિયા આસપાસ છે. આ પહેલા ગયા વર્ષે ઓસ્ટ્રેલિયાને વર્લ્ડ કપ જીતવા પર 1 મિલિયન ડોલર મળ્યા હતા, જે ભારતીય રૂપિયામાં લગભગ 8 કરોડ છે. વુમન્સ ટી20 વર્લ્ડ કપની રનર અપ ટીમને 1.17 મિલિયન ડોલર મળશે, આ રકમ છેલ્લા રનર અપને મળેલી રકમની તુલનામાં 134 ટકા વધુ છે.