અમદાવાદ ખાતે ગુજરાત યુનિવર્સિટી સ્પોર્ટ્સ ગ્રાઉન્ડ પર આજે સ્પેશિયલ ખેલ મહાકુંભ 3.0 (એથલેટિક્સ મીટ) નું ભવ્ય આયોજન કરવામાં આવ્યું, જેમાં 551 પ્રજ્ઞાચક્ષુ ખેલાડીઓએ ઉત્સાહભેર ભાગ લીધો.
રમતગમત, યુવા સાંસ્કૃતિક પ્રવૃત્તિ વિભાગ અને નેશનલ એસોસિએશન ફોર ધ બ્લાઈન્ડ, ગુજરાત રાજ્ય ના સંયુક્ત ઉપક્રમે આયોજિત આ સ્પર્ધામાં ખેલાડીઓએ જુદી-જુદી સ્પર્ધાઓમાં પોતાનું શ્રેષ્ઠ પ્રદર્શન કર્યું અને પ્રથમ, દ્વિતીય અને તૃતીય ક્રમાંક પ્રાપ્ત કરી રાજ્ય કક્ષાએ પ્રગતિ કરી.
આ સ્પર્ધાના માધ્યમથી વિશેષ જરૂરિયાત ધરાવતા ખેલાડીઓને તેમની પ્રતિભા દર્શાવવાનો અને રમતગમતના ક્ષેત્રે આગળ વધવાનો ઉત્તમ અવસર મળ્યો.
ખેલ મહાકુંભ માત્ર એક સ્પર્ધા નહીં, પણ શારીરિક અને માનસિક શક્તિનું પ્રદર્શન છે, જે પ્રજ્ઞાચક્ષુ ખેલાડીઓની આત્મવિશ્વાસ અને કુશળતાને એક નવી ઓળખ આપે છે.
આવા પ્રયત્નો સામાજિક સમાનતા અને રમતગમતની લોકપ્રિયતાને વધારવામાં મહત્વનો ફાળો આપે છે. રાજ્ય કક્ષાની સ્પર્ધા માટે પસંદ થયેલા ખેલાડીઓ હવે વધુ ઉચ્ચ સ્તરે પોતાનું પ્રદર્શન કરી ગુજરાતનું ગૌરવ વધારશે.
