અમદાવાદઃ અદાણી સ્પોર્ટ્સલાઇનની માલિકીવાળી ગુજરાત જાયન્ટ્સના નેતૃત્ત્વ હેઠળ વડોદરાની ઓફ બ્રેક બોલર હવે વધુ મોટા સ્તરે પ્રદર્શન કરવા તૈયાર છે. 30 વર્ષીય તરન્નુમે પોતાના પિતા અને કાકાને સફળતાનો શ્રેય આપતાં કહ્યું હતું કે આ બધું આકરી મહેનત અને જુસ્સાને કારણે થઈ શક્યું છે, જે માટે મારા પિતા અને કાકાએ વર્ષો આપ્યાં છે. મારા પરિવારનું હંમેશા સમર્થન મને મળ્યું છે અને તેમણે ક્યારેય મને સાથ આપવામાં પીછેહઠ નથી કરી.
તરન્નુમ અને તેનો પરિવારે હરાજીની પ્રક્રિયાને સતત નિહાળી રહ્યો હતો. આ અંગે તરન્નુમની માતા મુમતાઝ બાનુએ કહ્યું કે અમે વિચાર્યું કે તેની પસંદગી નહીં થાય. તે પછી તરન્નુમે ફોન કરી અમને જાણ કરી કે તેને ગુજરાત જાયન્ટ્સની ટીમમાં સ્થાન મળ્યું છે. આ સમયે તેના પિતા હોત તો ઘણા ખુશ થયા હોત.
તરન્નુમે કહ્યું હતું કે ખરું કહું તો મેં આશા ગુમાવી દીધી હતી. હું વિચારવા લાગી કે નહીં તક મળે. આ સમયે જ મિત્રોએ મને મેસેજ કર્યા હતા. જોકે મને વિશ્વાસ નહોતો થયો. મેં મારા ભાઈ સાથે વાત કરી અને તેણે આ સમાચાર સાચા હોવાની વાત કરી હતી. મારી માટે સૌથી મોટી ખુશીની વાત એ છે કે હું ગુજરાત જાયન્ટ્સની ટીમ માટે રમવાની છું. ગુજરાત જાયન્ટ્સની મેન્ટર અને સલાહકાર ગુજરાત જાયન્ટ્સ પાસેથી શીખવા મુદ્દે તરન્નુમે કહ્યું કે હું મિતાલી રાજ અને નૂશીન અલ ખદીર સાથે ડ્રેસિંગ રૂમ શેર કરવા માટે ઉત્સુક છું. હું બંને પાસેથી ઘણું બધું શીખી શકું છું.
