દેશ સહિત રાજ્યમાં ચૂંટણીનો શંખનાદ થઈ ચૂક્યો છે, તમામ પાર્ટીના ઉમેદવારો શક્તિ પ્રદર્શન કરી પ્રચાર કરી રહ્યા છે. ત્યારે આજે ગાંધીનગર ભાજપ કાર્યલય કમલમ ખાતે મુખ્યમંત્રી ભૂપેન્દ્ર પટેલ અને પ્રદેશ અધ્યક્ષ સી.આર.પાટીલે ભાજપના સંકલ્પ પત્રની ગુજરાતી આવૃતિ લૉન્ચ કરી. સાથે ભાજપના પ્રચાર માટે પાંચ નવા સોંગ લૉન્ચ કર્યા.
આ ઉપરાંત ઘર-ઘર સુધી પહોંચાડવા માટે અલગ-અલગ સામગ્રી એકત્ર કરી એક પ્રચાર કીટ બનાવવામાં આવી છે. જેમાં 80 વસ્તુનો સમાવેશ થાય છે. આ પ્રચાર કીટમાં ભાજપના અલગ-અલગ સાહિત્ય, ભાજપનો કેસરિયો ખેસ, ધ્વજ જેવી અનેક વસ્તુઓનો સમાવેશ થાય છે. તો હવે થી દરેક લોકસભા બેઠક પર ટેબ્લોથી પ્રચાર-પ્રસાર કરવામાં આવશે.
ચૂંટણી નજીક આવતા તમામ પાર્ટીના ઉમેદવારો પ્રચાર માટે એડી-ચોટીનું જોર લગાવે છે. ઉમેદાવારોના પ્રચાર સમયે જુદા-જુદા રંગ પણ જોવા મળતા હોય છે. કોઈ ઉમેદાવાર આસુથી પ્રજાને રિઝવાનો પ્રયાસ કરે, તો કોઈ ઉમેદવાર વાયદાઓથી રીઝવાનો પ્રયાસ કરે. તો વળી કોઈ પાર્ટીના ઉમેદાવાર શક્તિ પ્રદર્શન કરી પ્રજાનું આકર્ષણ ખેંચવાના પ્રયાસ કરતા હોય છે. ત્યારે ભાજપે પ્રચાર માટે નવો પ્રયોગ કર્યો છે.
ભાજપે પ્રચાર માટે સંકલ્પ પત્રની ગુજરાતી આવૃતિનું અનાવરણ કર્યું. જેમાં મોદી સરકાર દ્વારા કરેલા વાયદાઓનો ઉલ્લેખની કરવામાં આવ્યો છે. આ સાથે ભાજપના પ્રચાર માટે પાંચ અલગ-અલગ સોંગ પણ લૉન્ચ કરવામાં આવ્યા છે. સાથે જ ઘર-ઘર જઈ પ્રચાર કરવા માટે જુદી-જુદી વસ્તુ એકત્ર કરી એક પ્રચાર કીટ બનાવવામાં આવી છે. તો હવે ભાજપના ઉમેદવારો પ્રચાર કીટ અને નવા ગીત સાથે પ્રચંડ પ્રચાર કરશે.
