આણંદઃ કેન્દ્રશાસિત પ્રદેશ લદાખમાં ડેરી ઉદ્યોગ અને ગ્રામ્ય આજીવિકાને પ્રોત્સાહન આપવાના ઉદ્દેશથી NDDB અને કેન્દ્ર શાસિત પ્રદેશ લદાખના વહીવટી તંત્રે સર્વે હાથ ધરવા માટે એક MOU કર્યા છે. NDDBનો આ ડેરી ક્ષમતા સર્વે કેન્દ્ર શાસિત પ્રદેશમાં ડેરી ઉદ્યોગને પ્રોત્સાહન આપવાના રોડમેપને તૈયાર કરવામાં મદદરૂપ થશે તથા આ પહાડી અને સરહદી વિસ્તારોમાં ગ્રામ્ય લોકોને તેમની આવક વધારવામાં સહાયરૂપ થશે.
સંચાલકીય અને ટેક્નિકલ સહાય
NDDBના ચેરમેન દિલીપ રથે જણાવ્યું હતું કે NDDB લદાખ પ્રદેશમાં દૂધઉત્પાદકો અને સહકારી ચળવળના હિતમાં ડેરી ઉદ્યોગનો વિકાસ સાધવા માટે પહેલ હાથ ધરનારા વહીવટી તંત્રના પ્રયાસોને સમર્થ પૂરું પાડવા માટે ખૂબ જ ખુશ છે. તેમણે વધુમાં જણાવ્યું હતું કે ડેરી બોર્ડે સહકારી મૂલ્યોને સાચા અર્થમાં વળગી રહેનારી ઉત્પાદકોની માલિકીની સંસ્થાઓને પ્રોત્સાહન આપવા સંચાલકીય અને ટેક્નિકલ સહાય પૂરી પાડવાની રજૂઆત કરી છે.
દુધાળા પશુઓની કેટલી સંખ્યા?
NDDBએ ઓળખી કાઢવામાં આવેલા ગામડાંઓમાં આવેલા તમામ ઘરો તેઓ દુધાળા પશુઓની કેટલી સંખ્યા ધરાવે છે- એને ધ્યાન પર લીધા વિના તેની ગણતરી કરવાનો પ્રસ્તાવ મૂક્યો છે. NDDBના અધિકારીઓ લેહ અને કારગિલ જિલ્લાઓમાં નિમણૂક કરવામાં આવેલા સંયોજકોને તાલીમ આપશે, તેના બદલામાં આ સંયોજકો સર્વેમાં સામેલ કરવામાં આવનારા ગ્રામ્ય તપાસકર્તાઓને ઓળખી કાઢશે, ફીલ્ડવર્ક પર નજર રાખશે અને તકેદારી લેશે.
ડેરી ઉદ્યોગના વિકાસ માટેનો એક રોડમેપ
આગામી બે મહિનામાં ફીલ્ડ વર્ક પૂરું થઈ ગયા બાદ NDDB આબોહવાકીય સ્થિતિ, પશુઓની જાતિઓની અનુકૂળતા, પ્રાણીઓનું આરોગ્ય અને AI સપોર્ટ, આહાર અને ઘાસચારની ઉપલબ્ધતા, લોજિસ્ટિક્સમાં રહેલા અવરોધો તથા પુરવઠા શૃંખલા, વેચાણની વ્યવસ્થા વગેરે જેવા મહત્ત્વનાં પાસાંઓને ધ્યાન પર લઈ આ કેન્દ્ર શાસિત પ્રદેશમાં ડેરી ઉદ્યોગના વિકાસ માટેનો એક રોડમેપ તૈયાર કરશે. પ્રાથમિક તારણો અને રોડમેપ અંગે હિતધારકોમાં ચર્ચા-વિચારણા હાથ ધરવામાં આવશે અને આ ચર્ચા-વિચારણા બાદ એક યોજનાને અંતિમ સ્વરૂપ આપવામાં આવશે અને વહીવટી તંત્રને સોંપવામાં આવશે
