અમદાવાદઃ કેન્દ્રીય તપાસ બ્યુરો (CBI)એ લાંચની ફરિયાદ સંદંભમાં ઓક્ટોબર,2022માં ગુજરાત એન્ટિ-કરપ્શન બ્યુરો (ACB) દ્વારા બિછાવવામાં આવેલી જાળમાં પોતાના સિનિયર અધિકારીને ભાગવામાં મદદ કરવા માટે એક અધિકારીની ધરપકડ કરી હતી. તત્કાલીન એસિસ્ટન્ટ કમિશનર ઓફ ઇન્કમ ટેક્સ- અમદાવાદ (ગુજરાત) વિવેક જોહરીની IRS અધિકારી સંતોષ કરનાનીની મદદ કરવાના આરોપમાં ધરપકડ કરવામાં આવી હતી. તત્કાલીન એડિશનલ કમિશનર ઓફ ઇન્કમ ટેક્સ (સેન્ટ્રલ રેન્જ 1)- જેમના પર અમદાવાદના બિલ્ડર પાસેથી રૂ. 30 લાખની લાંચ લેવાનો આરોપ હતો. વિભાગે સફળ કન્સ્ટ્રક્શન પ્રા. લિ. અથવા B સફળ ગ્રુપ- જેનાપર 2021માં દરોડા પાડ્યા હતા.
સીબીઆઈના અધિકારીઓને તપાસમાં જાણવા મળ્યું હતું કે અધિકારીની ગૌણ આઇટી અધિકારી સાથે સાઠગાંઠ હતી અને તેણે નાણાકીય વ્યવહારો પણ કર્યા હતા. સૂત્રોના જણાવ્યા મુજબ ગયા વર્ષે ઓક્ટોબરમાં જ્યારે ACBની ટીમ વરિષ્ઠ IT અધિકારીની ઓફિસમાં છટકું ગોઠવી રહી હતી ત્યારે તેમણે CCTVની તપાસ કરી તો તેના ગૌણ અધિકારીએને તેમને રોકવાનો આદેશ આપ્યો હતો.
CBIએ જુનિયર ઓફિસરને તેના ઘરેથી ઝડપી પાડ્યો હતો અને તેને વલ્લભ સદન પાસે સાબરમતી રિવરફ્રન્ટ પરના વોકવે પર લઈ જવામાં આવ્યો હતો. ત્યાર બાદ દિલ્હીની CBIની ટીમે અમદાવાદ ફાયર વિભાગ અને તરવૈયાઓ તથા ડાઇવર્સની મદદ લઈ બંને મોબાઇલ ફોન શોધવાનું શરૂ કર્યુ હતું. CBI ઓફિસરના જણાવ્યા મુજબ CBIએ ગોતાખોરો અને અન્ય એજન્સીઓની મદદથી સાબરમતીમાંથી ડાઇવિંગ ઈક્વિપમેન્ટ અને સોનાર ટેક્નોલોજીથી સજ્જ દૂરથી સંચાલિત વાહનોની મદદથી બંને મોબાઇલ કબજે કર્યા હતા.
