ખ્યાતિ હોસ્પિટલ કાંડ બાદ ખ્યાતિ ગ્રુપ ચર્ચામાં આવ્યું છે. ખ્યાતિ ગ્રુપ એક બિલ્ડીર ગ્રુપ જ્યારે ખ્યાતિ હોસ્પિટલ અમુક ડોક્ટરોના સયોગથી બનાવવામાં આવી હતી. જે બાદ તેને ખ્યાતિ ગ્રુપને વહેંચી દેવામાં આવી હતી. નોંધનિય છે કે એક કૌંભાડનો પરદાર્ફાશ થયા બાદ એક એક તપાસમાં ખ્યાતિ ગ્રુપના કૌંભાડો છતા થઈ રહ્યા છે. આપને જણાવી દઈએ કે અમદાવાદ સ્થિત ખ્યાતિ હોસ્પિટલ સરકારી યોજનાના રૂપિયા હેઠવાની લાલચમાં 7 લોકોના બિનજરૂરિ ઓપરેશન કરી નાખ્યા હતા. જેમાં બે દર્દીઓનું મોત નિપજ્યુ છે. જેને લઈને ખ્યાતિ હોસ્પિટલના અધિકારીઓ, તબીબો અને સત્તાધીશો સામે કડક કાર્યવાહીની વાત પણ કરવામાં આવી રહી છે. તપાસનો ધમધમાટ પણ શરૂ થઈ ગયો છે.
પ્રાપ્ત માહિતી અનુસાર ખ્યાતિ ગ્રુપના માલિક કાર્તિક પટેલનું જમીન કૌભાંડ પણ સામે આવ્યું છે. ખ્યાતિ મલ્ટીસ્પેશિયાલિટીના ડૉક્ટર કાર્તિક પટેલે ભાડજ પાસે છ લાખ વાર જમીનમાં 650 પ્લોટની સ્કીમ મૂકીને કોરાણકારો પાસે કરોડો રૂપિયા પડાવી લીધા હોવાનું પણ જાણવા મળી રહ્યું છે. સાંતેજની ભાગોળે ધી પાર્ક લેન્ડ એવન્યુમાં 650 પ્લોટની સ્કીમમાં જમીન ખરીદનારાઓ પાસે પૈસા લઈ લીધા છે, પરંતુ તેમને દસ્તાવેજ કરી આપ્યા નથી. જેમાં સહકારી મંડળીના કાયદાનું પણ ઉલ્લંઘન કરવામાં આવ્યું છે. આ રીતે કાર્તિક પટેલે 700 થી 900 કરોડનું કૌભાંડ આચર્યું છે. જમીન કૌભાંડમાં સહકારી રજિસ્ટ્રારે કાર્તિક પટેલની ગેરરીતિઓ પકડી પાડી હતી. પૂર્વ સહકાર કમિશનર કમલ શાહ દ્વારા જમીનની ખરીદી માટે નાણાં ચૂકવનાર દરેકને દસ્તાવેજ કરી આપીને પ્લોટની ફાળવણી કરવાની સૂચના આપવામાં આવી હતી. અમદાવાદના કલેક્ટરને પણ આ સંદર્ભમાં પત્ર લખવામાં આવ્યો હતો. જેમાં જણાવવામાં આવ્યું હતું કે, કાર્તિક પટેલે પ્લોટની ફાળવણી અને વિભાજનમાં પણ ગપલાં કર્યાં હતાં. રિયલ એસ્ટેટમાં પણ તેણે મધ્યમ વર્ગના રોકાણકારોના નાણાં ડૂબાડ્યા હતાં. જોકે સત્તાધીશો દ્વારા કાર્તિક પટેલ સામે કોઈ નક્કર પગલાં લેવામાં આવ્યા નથી.
