લોકસભા ચૂંટણીને ગણતરીના દિવસો બાકી છે. ભાજપના લોકપ્રિય ઉમેદવાર, હાલના સાંસદ તેમજ કેન્દ્રીય ગૃહ અને સહકાર મંત્રી અમિત શાહ તારીખ 19 એપ્રિલ 2024, શુક્રવારના રોજ કલેકટર કચેરી, ગાંધીનગર ખાતે બપોરે વિજય મુહૂર્તમાં ઉમેદવારી નોંધાવશે. ફોર્મ ભરતા પહેલા અમિત શાહે પોતાના મત વિસ્તાર સહિત અમદાવાદમાં 6 મેગો રોડ શોનું આયોજન કર્યું હતું. જેમાં મોટી સંખ્યામાં લોકો ઉમટ્યા હતા. મોટી સંખ્યામાં જનમેદીના અભિવાદને ઝલતા અમિત શાહ જોવા મળ્યા હતા.
અમિત શાહે સૌ પ્રમથ સાણંદમાં ભવ્ય રોડ શોનું આયોજન કર્યું હતું. જેમાં મોટી સંખ્યામાં લોકો ઉમટ્યા હતા. નોંધનીય છે કે આજે અમિત શાહ રોડ શો દરમિયા એક ખાસ પ્રકારના ડિઝાઈનર વાહન પર સવાર જોવા મળ્યા હતા. ત્યારે આજના રોડ શો પહેલા તમને સોશિયલ મિડિયા એક્સ પર એક પોસ્ટ કરી જેમાં તેમણે દેશને દરેક ક્ષેત્રમાં નંબર 1 રાખવા માટે PM મોદીને જીતાડવાની અપિલ પણ કરી હતી.
ત્યાર બાદ અમિત શાહે કલોલ ગામમાં ભવ્ય રોડ શોનું આયોજન કર્યું હતું. જેમાં મોટી સંખ્યમાં લોકોના અભિવાદન જીલતા જોવા મળ્યા. કલોલ રોડ શો દરમિયાન અમિત શાહના રથ પર સવાર નીતિન પટેલે 10 લાખથી વધુ વોટ સાથે જીતનો દાવો કર્યો. સાથે 26 માંથી 26 બેઠકો પર ભાજપની જીતનો વિશ્વાસ વ્યક્ત કર્યો.
જે બાદ અમિત શાહે સાબરમતી વિસ્તારમાં એક રોડ શોનું આયોજન કર્યું હતું. સાબરમતી વિસ્તારમાં રોડ શો વખતે માટી સંખ્યામાં સમર્થકો ઉમટ્યા હતા. સાથે જ અબકી બાર મોદી સરકારના પણ નારા લાગ્યા. રોડ શો દરમિયાન સાબરમતી વિસ્તારમાં કેસરિયા રંગ છવાયો.
