અમદાવાદઃ શાંતિ બિઝનેસ સ્કૂલ (SBS)- અમદાવાદ દ્વારા એસોસિયેશન ઓફ ઇન્ડિયન મેનેજમેન્ટ સ્કૂલ્સ (AIMS)ના સહયોગથી સ્ટ્રક્ચરલ ઇક્વેશન મોડેલિંગ (SEM) પર બે દિવસીય ફેકલ્ટી ડેવલપમેન્ટ પ્રોગ્રામ કમ વર્કશોપનું આયોજન કરવામાં આવ્યું હતું. IIM વિશાખાપટ્ટનમના આસિસ્ટન્ટ પ્રોફેસર ડો. અમિત શંકર મુખ્ય રિસોર્સ હતા. 
આ ઉપરાંત ડો. જુન હ્વા ચેહ, એસોસિયેટ પ્રોફેસર, નોર્વિચ બિઝનેસ સ્કૂલ, યુનિવર્સિટી ઓફ ઇસ્ટ એંગ્લિયા દ્વારા બે કલાકનું સત્ર લેવામાં આવ્યું હતું. આ પ્રોગ્રામને ભારતભરની સંસ્થાઓ તરફથી અભૂતપૂર્વ પ્રતિસાદ મળ્યો હતો. IIT દિલ્હી, MANIT ભોપાલ, BHU અને કેન્દ્રીય યુનિવર્સિટીઓ જેવી સંસ્થાઓના રિસર્ચ સ્કોલર, રિસર્ચ અસોસિયેટ અને ફેકલ્ટી સભ્યો સહિત લગભગ 50 લોકોએ FDPમાં ભાગ લીધો હતો.
આ પ્રસંગે શાંતિ બિઝનેસ સ્કૂલનાં ડાયરેક્ટર ડૉ. નેહા શર્માએ કહ્યું હતું કે SBS હંમેશાં તેના ફેકલ્ટી સભ્યોને અનુકૂળ વાતાવરણ પૂરું પાડવાનો પ્રયાસ કરે છે, જેથી સંશોધન અને શિક્ષણ ક્ષમતાઓ વધારી શકાય. ડો. અમિત શંકરે ભારતીય એકેડેમિશ્યન તરફથી ગુણવત્તાયુક્ત પ્રકાશનોની જરૂરિયાત પર ભાર મૂક્યો હતો. વિશિષ્ટ સંશોધન અને પ્રકાશન-સંબંધિત પ્રશ્નોના નિરાકરણ રિસોર્સ પર્સન દ્વારા સંબોધવામાં આવ્યા હતા.
