મહારાષ્ટ્ર વિધાનસભા ચૂંટણી માટે ભાજપે તેની પ્રથમ યાદી જાહેર કરી છે. જેમાં 99 ઉમેદવારોના નામની જાહેરાત કરવામાં આવી છે. તમને જણાવી દઈએ કે મહારાષ્ટ્રની 288 વિધાનસભા સીટો પર એક તબક્કામાં એટલે કે 20મી નવેમ્બરે મતદાન થશે, જ્યારે પરિણામ 23મી નવેમ્બરે આવશે.
મહારાષ્ટ્ર વિધાનસભા ચૂંટણી માટે ભાજપે ઉમેદવારોની યાદી જાહેર કરી છે. પ્રથમ યાદીમાં 99 ઉમેદવારોના નામ જાહેર કરવામાં આવ્યા છે. નાયબ મુખ્યપ્રધાન દેવેન્દ્ર ફડણવીસ નાગપુર દક્ષિણ પશ્ચિમથી, રાજ્ય ભાજપના પ્રમુખ ચંદ્રશેખર બાવનકુલે કામથીથી, મંત્રી ગિરીશ મહાજન જામનેરથી, મંત્રી સુધીર મુનગંટીવાર બલ્લારપુરથી, શ્રીજયા અશોક ચવ્હાણ ભોકરથી, આશિષ શેલાર વાંદ્રે પશ્ચિમથી, મંગલ પ્રભાત લોઢા મલબાર હિલથી ચૂંટણી લડશે. કોલાબાથી રાહુલ નાર્વેકર અને સતારાથી છત્રપતિ શિવેન્દ્ર રાજે ભોસલેને ઉમેદવાર બનાવવામાં આવ્યા છે.
