મુંબઈઃ બોલીવુડની ખ્યાતનામ અભિનેત્રી માધુરી દીક્ષિતે તેની કારકિર્દીમાં અનેક સુપરહિટ ફિલ્મોમાં કામ કર્યું છે. અભિનય પ્રતિભા અને સૌંદર્ય વડે અને એણે ઘણાં લોકોનાં મન પર રાજ કર્યું છે. હવે તે રાજકારણમાં પ્રવેશ કરશે એવું કહેવાય છે.
કેન્દ્રિય ગૃહ પ્રધાન અમિત શાહ હાલમાં જ મુંબઈની મુલાકાતે આવ્યા હતા. તે પછી આવતા વર્ષે નિર્ધારિત લોકસભા ચૂંટણી માટે ભારતીય જનતા પાર્ટી દ્વારા કેટલાક નામો વિશે ચર્ચા શરૂ થઈ છે. એમાં માધુરી દીક્ષિત-નેનેનું નામ પણ છે. કહેવાય છે કે માધુરી દક્ષિણ મુંબઈની બેઠક પરથી ચૂંટણી લડશે. અમિત શાહ મુંબઈ મુલાકાત દરમિયાન માધુરીને પણ મળ્યા હતા. એમની તસવીર સોશિયલ મિડિયા પર વાઈરલ થઈ હતી.
