મુંબઈઃ હિન્દી ફિલ્મ ઉદ્યોગ પર શાહરૂખ ખાન એની અભિનય ક્ષમતા વડે દાયકાઓથી રાજ કરે છે અને તેની લેટેસ્ટ ફિલ્મ ‘જવાન’ તો બોક્સ ઓફિસ પર કમાણીના ઘણા રેકોર્ડ પણ તોડ્યા છે, પરંતુ ગયા જુલાઈ મહિનામાં માહનૂર બલોચ નામની એક પાકિસ્તાની અભિનેત્રીએ એક ઈન્ટરવ્યૂમાં એમ કહ્યું હતું કે શાહરૂખ ખાનને એક્ટિંગ કરતાં આવડતું નથી. માહનૂરે એમ કહ્યું હતું કે ‘શાહરૂખ ખાનની પર્સનાલિટી બહુ જ સરસ છે, પરંતુ તમે જેમને હેન્ડસમ માનતા હો એમની કેટેગરીમાં શાહરૂખ ખાન આવતો નથી. એ સારો બિઝનેસમેન છે. એ પોતાનું સારી રીતે માર્કેટિંગ કરી જાણે છે, પણ મારાં મતે શાહરૂખને એક્ટિંગ કરતાં આવડતું નથી. મારી આ વાત સાથે શાહરૂખનાં ચાહકો કદાચ સહમત નહીં થાય, પણ એ ઠીક છે.’
શાહરૂખની નવી ફિલ્મ આવી રહી છે ‘ડંકી’. આ ફિલ્મ આ વર્ષમાં રિલીઝ થનાર તેની ત્રીજી ફિલ્મ હશે. અગાઉની બે ફિલ્મ છે, ‘પઠાણ’ અને ‘જવાન’.
https://youtu.be/u_wanO773YU?si=xmE1AXMy3B45zgwZ
