મુંબઈઃ અમુક ચોક્કસ પ્રકાશન ગૃહો દ્વારા બેજવાબદાર, બદનામીભર્યું રિપોર્ટિંગ કરવાનો આરોપ મૂકીને ટોચના 38 ફિલ્મ નિર્માતાઓએ દિલ્હી હાઈકોર્ટમાં સિવિલ કેસ કર્યો છે.
આ નિર્માતાઓમાં શાહરુખ ખાન, આમીર ખાન, સલમાન ખાન, કરણ જોહરનો સમાવેશ થાય છે.
આ પ્રોડ્યુસરોએ રિપબ્લિક TV અને ટાઈમ્સ નાઉ સામે દિલ્હી હાઇકોર્ટમાં કેસ કર્યો છે.
અરજદારોએ કોર્ટને વિનંતી કરી છે કે તે આ બે ચેનલ તથા અજ્ઞાત પ્રતિવાદીઓને તેમજ સોશિયલ મિડિયા પ્લેટફોર્મ્સને આદેશ આપે કે તેઓ પૂરા ફિલ્મ ઉદ્યોગ સામે તેમજ ફિલ્મ ઉદ્યોગના સભ્યો સામે બેજવાબદાર, અપમાનજનક અને બદનામીભરી ટકોર કરતા રોકે.
નિર્માતાઓએ કોર્ટને એવી પણ વિનંતી કરી છે કે તે ન્યૂઝ ચેનલોને બોલીવૂડની હસ્તીઓ સામે સમાંતર મિડિયા ટ્રાયલ ચલાવતા અને ફિલ્મ ઉદ્યોગ સાથે સંકળાયેલા લોકોના અંગત જીવનમાં માથું મારતા અટકાવે.
આ કેસ આ ચાર જણ સામે કરવામાં આવ્યો છેઃ રિપબ્લિક ટીવીના અર્ણબ ગોસ્વામી અને પ્રદીપ ભંડારી તથા ટાઈમ્સ નાઉનાં રાહુલ શિવશંકર અને નાવિકા કુમાર.
અરજદારોએ પ્રતિવાદીઓને પણ વિનંતી કરી છે કે તેઓ કેબલ ટેલિવિઝન નેટવર્ક્સ, 1994ના નિયમો અંતર્ગત પ્રોગ્રામ કોડની જોગવાઈઓનું પાલન કરે અને બોલીવૂડ વિરુદ્ધ એમણે પોસ્ટ કરેલી તમામ અપમાનજનક સામગ્રીને દૂર કરે.
છેલ્લા અમુક મહિનાઓમાં આ ટીવી ચેનલો દ્વારા સતત વાપરવામાં આવતા અમુક શબ્દો સામે અરજદારોએ વાંધો ઉઠાવ્યો છે.
અરજદારોએ એમના દાવામાં કહ્યું છે કે મુંબઈસ્થિત હિન્દી ફિલ્મ ઉદ્યોગ વિશિષ્ટ અને માન્યતાપ્રાપ્ત વર્ગ છે. અનેક વર્ષોથી આ ઉદ્યોગ સરકારી તિજોરીને આવક કરાવી આપે છે, વિદેશમાં ફિલ્મ રિલીઝ કરીને અને પર્યટન વગેરે મારફત દેશને ફોરેન એક્સચેન્જ કમાવી આપે છે અને એ રોજગારની તકો પણ ઊભી કરે છે. બીજા અનેક ઉદ્યોગો પણ આ ઉદ્યોગ પર નિર્ભર રહે છે.
ફરિયાદીઓની યાદીઃ
પ્રોડ્યુસર્સ ગિલ્ડ ઓફ ઈન્ડિયા
એસોસિએશન ઓફ સિનેમા એન્ડ ટેલિવિઝન આર્ટિસ્ટ્સ
કાઉન્સિલ ઓફ ફિલ્મ એન્ડ ટેલિવિઝન પ્રોડ્યુસર્સ
સ્ક્રીનરાઈટર્સ એસોસિએશન
આમિર ખાન પ્રોડક્શન્સ
એડ-લેબ્સ મૂવીઝ
અજય દેવગન ફિલ્મ્સ
આંદોલન ફિલ્મ્સ
અનિલ કપૂર ફિલ્મ એન્ડ કમ્યુનિકેશન નેટવર્ક
અરબાઝ ખાન પ્રોડક્શન્સ
આશુતોષ ગોવારીકર પ્રોડક્શન્સ
બીએસકે નેટવર્ક એન્ડ એન્ટરટેનમેન્ટ
કેપ ઓફ ગુડ ફિલ્મ્સ
ક્લીન સ્લેટ ફિલ્મ્ઝ
ધર્મા પ્રોડક્શન્સ
એમે એન્ટરટેનમેન્ટ એન્ડ મોશન પિક્ચર્સ
એક્સેલ એન્ટરટેનમેન્ટ
ફિલ્મક્રાફ્ટ પ્રોડક્શન્સ
પ્રોડક્શન ઓફ હોપ
કબીર ખાન ફિલ્મ્સ
લવ મૂવીઝ
મેગ્યૂફિન પિક્ચર્સ
નડિયાદવાલા ગ્રાન્ડસન એન્ટરટેનમેન્ટ
વન ઈન્ડિયા સ્ટોરીઝ
આરએસ એન્ટરટેનમેન્ટ
રાકેશ ઓમપ્રકાશ મેહરા પિક્ચર્સ
રેડ ચિલીઝ એન્ટરટેનમેન્ટ
રિલાયન્સ બિગ એન્ટરટેનમેન્ટ
રીલ લાઈફ પ્રોડક્શન્સ
રોહિત શેટ્ટી પ્રોડક્શન્સ
રોય કપૂર પ્રોડક્શન્સ
સલમાન ખાન વેન્ચર્સ
સોહેલ ખાન પ્રોડક્શન્સ
વિનોદ ચોપરા
વિશાલ ભારદ્વાજ
યશરાજ ફિલ્મ્સ
બેબી ટાઈગર ડિજિટલ
