મુંબઈઃ મલયાલમ ટીવી એક્ટ્રેસ આર્ય પાર્વતી હાલ સાતમા આસમાને છે. ટીવી એક્ટ્રેસ પરિવારમાં એક નવા સભ્યના આગમથી ખુશખુશાલ છે. 23 વર્ષીય દક્ષિણ સ્ટારે સોશિયલ મિડિયા પર ફેન્સ સાથે ખુશખબર શેર કર્યા હતા ને પોસ્ટની કેપ્શનમાં લખ્યું હતું કે ખુશીથી ફૂલી નથી સમાતી કેમ કે 23 વર્ષ પછી અમારા પરિવારમાં મારી નાની બહેન આવી છે. એક મોટી બહેનની સાથે-સાથે એક માતાની ભૂમિકા નિભાવવા પણ તૈયાર છું અને તેને પ્રેમ અને ટેકો આપવા માટે તૈયાર છું…વેલકમ લિટલ વન.
કેટલાય ફેન્સે આર્ય પાર્વતીને તેની બહેનના આગમન પર શુભેચ્છાઓ આપી હતી. આ મામલે હ્યુમન ઓફ બોમ્બે સંગ થયેલી એક વાતચીતમાં આર્ય પાર્વતીએ ખુશી જાહેર કરી હતી. તેણે કહ્યું હતું કે મને જ્યારે સૌપ્રથમ વાર માતાની પ્રેગનન્સી વિશે માલૂમ પડ્યું તો હું શોક્ડ રહી ગઈ હતી. એટલા માટે નહીં, કેમ કે 23 વર્ષે હું બહેન બનવાની છું, બલકે એ માટે કે એ કોઈ ચમત્કારથી ઓછું નહોતું. એક્ટ્રેસે જણાવ્યું હતું કે તેના જન્મ પછી તેની મતાના ગર્ભાશયમાં સમસ્યા હતી. તે વખતે ડોક્ટરે જણાવ્યું હતું કે સમસ્યાઓને કારણે તે ફરીથી ગર્ભ ધારણ નહીં કરી શકે.
અમ્મા અને અપ્પા મંદિર ગયા હતા, ત્યાં અમ્મા અચાનક બેભાન થઈ ગઈ હતી. હોસ્પિટલ પહોમચ્યા તો માલૂમ પડ્યું કે તે સાત મહિનાથી પ્રેગ્નન્ટ છે. જોકે કોઈ કારણને લીધે તેમનો બેબીબમ્પ નજરે નહોતો ચઢતો. જોકે અપ્પાએ એને ગુપ્ત રાખ્યું હતું, કેમ કે તેમને માલૂમ નહોતું કે હું કેવી પ્રતિક્રિયા આપીશ.
