નવી દિલ્હીઃ બોલીવૂડ સુપરસ્ટાર રણવીર સિંહ જેદ્દામાં રેડ સી ઇન્ટરનેશનલ ફિલ્મ ફેસ્ટિવલમાં ધ રેડ સીઃ ઓનરી એવોર્ડથી સન્માનિત કરવામાં આવ્યો હતો. રેડ સી ફિલ્મ ફેસ્ટિવલમાં અનેક ઇન્ટરનેશનલ સ્ટાર્સ પહોંચ્યા હતા. રણવીર સિંહને ફિલ્મોમાં કન્ટ્રિબ્યુશન માટે શેરોન સ્ટોન દ્વારા સન્માનિત કરવામાં આવ્યો હતો. એવોર્ડ મેળવીને ખુશ થયેલા રણવીર સિંહે ઓડિયન્સમાં બેઠલા હોલીવૂડ સ્ટાર જોની ડેપને આઇડલ ગણાવ્યો હતો.
શેરોન સ્ટોને રણવીરનું નામ જાહેર કરતી વખતે તેની પ્રશંસા કરતાં કહ્યું હતું કે મને રણવીરને મળીને આનંદ થયો, તે કેટલો સારો છોકરો છે. એક એવોર્ડ પ્રાપ્ત કરવા માટે તેનું મંચ પર સ્વાગત કરતાં મને ખરેખર બહુ આનંદ થઈ રહ્યો છે. આ આ શબ્દો સાંભળીને રણવીર ખુશ થયો હતો અને જ્યારે મંચ પર તે ગયો. ત્યારે તેણે તેને સ્ક્રીન આઇડલ ગણાવ્યો હતો.
Ranveer Singh honoured by Sharon Stone at the Red Sea International Film Festival@RanveerOfficial pic.twitter.com/K4oWrKyOCd
— Sneha Biswas (@Realsnehabiswas) December 1, 2023
રણવીરે જોની ડેપ તરફ ઇશારો કરતાં કહ્યું હતું કે હું થોડી વાર માટે ઓફ સ્ક્રિપ્ટ જવા ઇચ્છું છું. મારા એક સ્ક્રીન આઇડલ અહીં હાજર છે. તમારી ઉપસ્થિતિમાં એવોર્ડ મેળવવો એ કેટલા સન્માનની વાત છે. તમે મને ક્રાફ્ટ વિશે જે કંઈ શીખવાડ્યું છે, એના માટે આભાર તમારો. માસ્ટર ઓફ ટ્રાન્સફોર્મેશન, વર્સેલિટી. તમે બહુ પ્રેરણાદાયી છો.
Ranveer Singh at Red Sea International Film Festival pic.twitter.com/RXPMdp5bnm
— Sneha Biswas (@Realsnehabiswas) December 1, 2023
જોની ડેપ છેલ્લા કેટલાક સમયથી વિવાદોમાં હતા. તેમણે તેમની ભૂતપૂર્વ પત્ની એમ્બર હર્ડ સાથેના કેસ મામલે ન્યૂઝમાં રહ્યા હતા. એમ્બરે તેમના પર કેટલાય પ્રકારના ગંભીર આરોપ લગાવ્યા હતા. ડેપે હાલમાં દર્ડની વિરુદ્ધ માનહાનિનો કેસ જીત્યો છે. હવે તે ફરીથી કામ પર ફોક્સ કરી રહ્યો છે.
