મુંબઈઃ બોલીવુડ અભિનેતા સલમાન ખાનને જાનથી મારી નાખવાની છેલ્લા કેટલાક દિવસોથી ધમકીઓ મળી રહી છે. સરકાર તરફથી સલમાનની સુરક્ષા વ્યવસ્થા વધારે મજબૂત કરવામાં આવી છે. હવે પોલીસે ધમકી આપનારાઓ સામે લુકઆઉટ નોટિસ બહાર પાડી છે.
ગયા માર્ચમાં એક ઈમેલ મારફત ધમકી આવી હતી અને તે ગોલ્ડી બ્રારના નામે મોકલવામાં આવી હતી. એમાં સલમાનને જાનથી મારી નાખવાની ધમકી આપવામાં આવી હતી. મુંબઈ પોલીસ તરફથી સલમાન અને તેના પરિવારજનોને વાઈ-પ્લસ શ્રેણીની સુરક્ષા આપવામાં આવી છે.
