મુંબઈઃ TVનો સૌથી લોકપ્રિય રિયાલિટી ક્વિઝ ‘શો કૌન બનેગા કરોડપતિ’ ફરી એક વાર નાના પડદે પરત ફરી રહ્યો છે. અમિતાભ બચ્ચનની વધતી વયને પગલે દર વર્ષે આ શો પૂરો થાય, ત્યારે એ સવાલ લોકોના મનમાં જરૂર હોય છે કે આગામી વર્ષે આ શોને કોણ હોસ્ટ કરશે? અને અમિતાભ દર વર્ષે ફેન્સને સરપ્રાઇઝ આપતાં આ શોનું હોસ્ટિંગ કરવા પરત ફરે છે.
મેગાસ્ટાર અમિતાભ બચ્ચન હવે 15મી સીઝનની સાથે વાપસી કરવા માટે તૈયાર છે. જોકે નિર્માતાઓએ આ શોરના પ્રોમોને દૂર કરતાં શો માટે રજિસ્ટ્રેશન 29 એપ્રિલથી શરૂ થવાની જાહેરાત કરી છે.
આ શોના પ્રોમોમાં બિગ Bને હોટ સીટ પર બેઠેલા જોઈ શકાય છે, જ્યારે એક મહિલા હોટ સીટ સુધી પહોંચવા માટે રસ્તો શોધવા માટે મેપ જોઈ રહી છે. છેવટે તે જમીન ખોદીને હોટ સીટ પર પહોંચી જાય છે. તે બિગ Bને ક્વિઝ રમવા માટે કહે છે, જેના જવાબમાં તેઓ કહે છે કે હોટ સીટ પર પહોંચવા માટે આડાઅવળા રસ્તા નહીં અપનાવો.
તેઓ કહે છે કે બસ ફોન ઉઠાવો, કેમ કે રાત્રે 29 એપ્રિલે નવ કલાકે રજિસ્ટ્રેશન કરાવવાનો એકમાત્ર પ્રકાર છે. મારા સવાલનો જવાબ આપો અને રજિસ્ટ્રેશન શરૂ થઈ જશે, એમ તેમણે કહ્યું હતું. 14મી સીઝન સાત ઓગસ્ટ, 2022એ શરૂ થયો હતો, જેણે આઝાદીનાં 75 વર્ષ પૂરા થવાનો ઉત્સવ ઊજવ્યો હતો. આ શો સોની એન્ટટેઇન્મેન્ટ ટેલિવિઝન પર પ્રસારિત થશે.
