મુંબઈઃ બોલીવૂડ અભિનેત્રી જુહી ચાવલા સોશિયલ મિડિયા તરફથી કોઈક ચમત્કારની આશા રાખી રહી છે. એણે પોતાનાં સોશિયલ મિડિયા હેન્ડલ્સ પરથી એક જાણકારી આપી છે કે એની હીરાની એરિંગ ગુમાઈ ગઈ છે. આ એરિંગ એનાથી રવિવારે સવારે મુંબઈ ઈન્ટરનેશનલ એરપોર્ટ પર એમિરેટ્સ કાઉન્ટર પરથી ચેકિંગના સમયગાળા દરમિયાન ગુમાઈ ગઈ છે. એનાં કાનમાંથી સરકીને ક્યાંક પડી ગઈ હતી એવું તેનું કહેવું છે.
જુહીએ એમ પણ કહ્યું છે કે પોતે આ એરિંગ છેલ્લા 15-વર્ષથી રોજ કાનમાં પહેરતી હતી, તેથી એને માટે લાગણીનો સવાલ છે. આ એરિંગ શોધી કાઢવામાં મદદ કરવાની એણે ઈન્ટરનેટ યૂઝર્સને વિનંતી કરી છે અને જો કોઈને મળી આવે તો પોલીસને જાણ કરવા કહ્યું છે. એરિંગ શોધી આપવામાં મદદરૂપ થનારને ઈનામ આપવાનું પણ એણે કહ્યું છે.
Kindly help 🙏 pic.twitter.com/bNTNYIBaZ2
— Juhi Chawla (@iam_juhi) December 13, 2020
