મુંબઈઃ આગામી હિન્દી કોમેડી ફિલ્મ ‘જુગ જુગ જિયો’નું ટ્રેલર તેના નિર્માતાઓએ રિલીઝ કર્યું છે. ત્રણેક મિનિટના ટ્રેલર પરથી આ ફિલ્મ પ્રેમ, હાસ્ય, રમૂજ, રંગ અને નાટ્યાત્મક્તાથી ભરપૂર હશે એવું જણાય છે. ફિલ્મમાં અનિલ કપૂર, નીતુસિંહ-કપૂર, વરુણ ધવન અને કિયારા અડવાણી મુખ્ય ભૂમિકામાં છે. ફિલ્મની વાર્તા પંજાબના પટિયાલાવાસી એક પરિવારની, તેના સિદ્ધાંતો, અધૂરી રહેલી ઈચ્છાઓ તથા અનપેક્ષિત સમાધાનની છે.
રાજ મહેતા દ્વારા દિગ્દર્શિત અને હિરુ યશ જોહર, કરણ જોહર અને અપૂર્વા મહેતા નિર્મિત આ ફિલ્મ આવતી 24 જૂને થિયેટરોમાં રિલીઝ થવાની છે.
