મુંબઈઃ શાહરૂખ ખાન હિન્દી ફિલ્મોનો સુપરસ્ટાર છે. તે માત્ર એની અભિનયક્ષમતા જ નહીં, પણ એની વૈભવશાળી જીવનશૈલીને માટે પણ જાણીતો છે. આ અભિનેતા પાસે કેટલી સંપત્તિ છે તે જાણવા માટે ઘણા લોકો ઉત્સૂક હશે. તો ચાલો જાણી લો રસપ્રદ વિગત…
શાહરૂખ ખાનની સફળતામાં એની ફિલ્મ નિર્માણ કંપની રેડ ચિલીઝ એન્ટરટેનમેન્ટનું મોટું યોગદાન રહ્યું છે. આ કંપની મારફત શાહરૂખ વાર્ષિક સ્તરે 500 કરોડ રૂપિયા કમાય છે. એવી જ રીતે, ક્રિકેટ સ્પર્ધા આઈપીએલમાં શાહરૂખની એક ટીમ પણ રમે છે – કોલકાતા નાઈટ રાઈડર્સ. આ ટીમની કિંમત રૂ. 9,017 કરોડ છે. શાહરૂખ પાસે અનેક લક્ઝરી મોટરકાર છે. આ બધી કારની કુલ કિંમત 31 કરોડ રૂપિયા થાય છે. શાહરૂખ પાસે એક વેનિટી વેન પણ છે. એની કિંમત ચાર કરોડ રૂપિયા છે.
