મુંબઈઃ રણબીર કપૂર અભિનીત અને સંદીપ રેડ્ડી વાંગા દિગ્દર્શિત ‘એનિમલ’ ફિલ્મ બોક્સ ઓફિસ પર ધૂમ મચાવી રહી છે. ફિલ્મે વિશ્વસ્તરે અત્યારે સુધીમાં રૂ. 800 કરોડ અને ભારતમાં રૂ. 500 કરોડનો વકરો કર્યો છે. ગુનાખોરી, હિંસાના અતિરેક, સેક્સ દ્રશ્યોથી ભરપૂર આ ફિલ્મના નિર્માતાઓએ હવે આ ફિલ્મની સિક્વલની સત્તાવાર રીતે જાહેરાત કરી છે. ‘એનિમલ’ ફિલ્મના ક્લાઈમેક્સમાં સિક્વલનો સંકેત આપી દેવામાં આવ્યો હતો, જેનું નામ પણ આપવામાં આવ્યું હતું ‘એનિમલ પાર્ક’.
ફિલ્મની નિર્માતા કંપની ટી-સીરિઝ દ્વારા તેના સત્તાવાર ઈન્સ્ટાગ્રામ એકાઉન્ટ પર ‘એનિમલ પાર્ક’ની જાહેરાત સાથે વાંગા અને નિર્માતા ભૂષણકુમારની બે તસવીર પણ શેર કરી છે. એનિમલ ફિલ્મના અંતમાં પ્રોફેશનલ કસાઈ અઝિઝ હકને પેશ કરવામાં આવે છે જે રોલ રણવિજય સિંહ બનેલા રણબીર કપૂરે જ ભજવ્યો છે. આમ તે ડબલ રોલમાં છે.
