Tuesday, June 10, 2025
Google search engine
HomeNewsEntertainmentપ્રભાસ, દીપિકા અભિનીત ફિલ્મમાં અમિતાભનો સંપૂર્ણ રોલ હશે

પ્રભાસ, દીપિકા અભિનીત ફિલ્મમાં અમિતાભનો સંપૂર્ણ રોલ હશે

મુંબઈઃ પ્રભાસ અને દીપિકા પદુકોણને મુખ્ય ભૂમિકામાં ચમકાવનાર એક આગામી ફિલ્મ, જેનું શીર્ષક હજી નક્કી કરાયું નથી, તેમાં અમિતાભ બચ્ચન પણ સામેલ હશે એવી જાહેરાત વૈજયંતી મૂવીઝ પ્રોડક્શન કંપનીએ ગયા મહિને જાહેરાત કરી હતી. આ ફિલ્મનું દિગ્દર્શન જાણીતા તેલુગુ દિગ્દર્શક નાગ અશ્વિન કરવાના છે.

ફિલ્મનાં સહ-નિર્માત્રી પ્રિયંકા દત્તાએ એક ન્યૂઝ પોર્ટલને કહ્યું છે કે આ ફિલ્મ, જેનું નામ અગાઉ આદિપુરુષ હોવાનું કહેવાયું હતું, પરંતુ હવે તે શીર્ષકવિહોણી હોવાનું કહેવાય છે, તેમાં અમિતાભ બચ્ચનનો રોલ નાનો-સૂનો કે મહેમાન કલાકારનો નહીં હોય, પણ સંપૂર્ણ સ્તરનો હશે. અમિતાભ કઈ ભૂમિકામાં હશે એ વિશે પ્રિયંકા દત્તાએ કંઈ કહ્યું નથી, પરંતુ એટલું કહ્યું કે ત્રણેય મુખ્ય કલાકારો – અમિતાભ, પ્રભાસ અને દીપિકા માટે ઘણા એક્શન દ્રશ્યો હશે. દક્ષિણ ભારતની ત્રણ ભાષામાં અમિતાભ બચ્ચનના અવાજને મેચ કરે એવો કોઈ અવાજ શોધવાનો અમારી સમક્ષ મોટો પડકાર છે.

આ ફિલ્મ હિન્દી, તામિલ, તેલુગુ અને મલયાલમ ભાષાઓમાં રજૂ કરાશે અને તે 2022માં રિલીઝ થશે.

RELATED ARTICLES
- Advertisment -
Google search engine

Most Popular