મુંબઈઃ ભયાનક કોરોના વાઈરસ આખા દેશમાં ફેલાયો છે ત્યારે એનો સામનો કરવા માટે હિન્દી ફિલ્મ ઉદ્યોગની હસ્તીઓ પણ એમના શક્ય હોય એ દરેક રીતે સાથ-સહકાર આપી રહી છે.
બોલીવૂડ કલાકારો તથા અન્ય મહારથીઓ લોકોને લોકડાઉનના નિયમોનું પાલન કરવા સમજાવતા રહે છે, રાહત કાર્યો કરવામાં મદદરૂપ થાય છે તો રાહત ભંડોળમાં પોતાનાથી બનતું દાન પણ આપે છે.
અક્ષય કુમાર, આલિયા ભટ્ટ, ટાઈગર શ્રોફ, શાહિદ કપૂર, અર્જૂન કપૂર જેવા કલાકારોએ શહેરના નાગરિકોને સુરક્ષિત રાખવા બદલ મુંબઈના પોલીસ વિભાગનો આભાર માન્યો છે. પોલીસકર્મીઓ કોરોના વાઈરસ લોકડાઉન દરમિયાન લોકોને સુરક્ષિત રાખવા માટે પોતાની અંગત જરૂરિયાતોનું બલિદાન આપી રહ્યા છે અને પોતાની ફરજ પ્રશંસનીય રીતે બજાવી રહ્યા છે એની સરાહના કરીને આ કલાકારોએ પોતપોતાના ટ્વિટર હેન્ડલ પર મુંબઈ પોલીસનો આભાર માનતા શબ્દો પોસ્ટ કર્યા છે.
આલિયાએ ટ્વીટમાં મુંબઈ પોલીસનો એક વિડિયો શેર કરીને લખ્યું છેઃ અન્ય નાગરિકો જેટલા આ લોકો નસીબદાર નથી. નાગરિકો તો લોકડાઉનમાં પોતપોતાના ઘરમાં રહે છે. થેંક્યૂ મુંબઈ પોલીસ, અમારો પ્રેમ અને આભાર વ્યક્ત કરવા માટે શબ્દો વર્ણવી શકતા નથી. આપણે સૌ ઘરમાં જ રહીએ, એમને માટે.
Thank you @MumbaiPolice ♥??Words cannot express our love and gratitude. Let's stay home for them. #TakingOnCorona https://t.co/mO6yjmIZlM
— Alia Bhatt (@aliaa08) April 9, 2020
અક્ષય કુમારે એક વિડિયો પોસ્ટ કર્યો છે જેમાં એ જણાવે છે કે પોલીસો બંદોબસ્ત જાળવવામાં કેટલી મહેનત કરે છે. અક્ષયે લખ્યું પણ છે કે, આ લોકોનું એક એવું આર્મી છે જે આપણને અને આપણા પરિવારોને સુરક્ષિત રાખવા માટે દિવસ-રાત કામ કરે છે. ચાલો આપણે સાથે મળીને એમને કહીએ – દિલ સે થેંક્યૂ.’
There’s an army of people working day and night to keep us safe, our families safe. Lets together say #DilSeThankYou to them because that’s the least we can do. @mybmc @MumbaiPolice pic.twitter.com/ANf1ynTP09
— Akshay Kumar (@akshaykumar) April 9, 2020
શાહિદ કપૂરે ટ્વીટ કર્યું છેઃ આપણા સપનાંઓને સુરક્ષિત રાખવા માટે તેઓ એમના સપનાંઓનું બલિદાન આપી રહ્યાં છે. થેંક્યૂ મુંબઈ પોલીસ. અમે તમારા ખૂબ ઋણી છીએ.
Giving up on their dreams for keeping the city of our dreams safe. Thank You @MumbaiPolice We owe you a lot and staying at home is the least we can do! #TakingOnCorona #MumbaiFirst
— Shahid Kapoor (@shahidkapoor) April 9, 2020
ટાઈગર શ્રોફે ટ્વિટર પર લખ્યું છે કે, મુંબઈ પોલીસ તમારો ખૂબ ખૂબ આભાર, અમે ભાગ્યશાળી છીએ કે તમે અમારી સાથે છો.
So so grateful and lucky we are to have you all @MumbaiPolice ? can’t thank our real heroes enough ? https://t.co/ZZIBEP5liE
— Tiger Shroff (@iTIGERSHROFF) April 9, 2020
અર્જૂન કપૂરે ટ્વીટમાં લખ્યું છેઃ અમે શબ્દોમાં મુંબઈ પોલીસનો પૂરતો આભાર માની શકીએ એમ નથી. છતાં એ હકીકતને માનવી જ પડશે કે તેઓ દરરોજ હાજર હોય છે, જેને કારણે બધું સરળતાથી ચાલે છે, તેઓ આપણને સુરક્ષિત રાખવા માટે કાયમ હાજર રહે છે. મારા હૃદયના અંતરમાંથી આપનો આભાર મુંબઈ પોલીસ… સુરક્ષિત રહો, જય હિંદ.
We cannot thank the @MumbaiPolice enough in words! Still would like to appreciate the fact that they have been out there everyday, making sure everything goes smoothly and have always been there to protect us. A thank you from the bottom of our hearts! Stay safe. Jai Hind.
— arjunk26 (@arjunk26) April 9, 2020
