Tuesday, July 8, 2025
Google search engine
HomeNewsEntertainmentભારતની સત્તાવાર એન્ટ્રી ‘2018’ ફિલ્મ ઓસ્કર એવોર્ડ્સની રેસમાંથી બહાર થઈ ગઈ

ભારતની સત્તાવાર એન્ટ્રી ‘2018’ ફિલ્મ ઓસ્કર એવોર્ડ્સની રેસમાંથી બહાર થઈ ગઈ

મુંબઈઃ મલયાલમ ફિલ્મ ‘2018: એવરીવન ઈઝ અ હિરો’ને 2024ના એકેડેમી (ઓસ્કર) એવોર્ડ્સમાં આંતરરાષ્ટ્રીય ફીચર ફિલ્મ કેટેગરી માટે ભારતની સત્તાવાર એન્ટ્રી તરીકે મોકલવામાં આવી હતી, પરંતુ તે હવે ઓસ્કર રેસમાંથી બહાર થઈ ગઈ છે.

જૂડ એન્થાની જોસેફ દ્વારા દિગ્દર્શિત આ ફિલ્મ ઉક્ત કેટેગરી માટે શોર્ટલિસ્ટ કરાયેલી 15 ફિલ્મોની યાદીમાં સ્થાન પામી શકી નથી. આ યાદીની એકેડેમી ઓફ મોશન પિક્ચર આર્ટ્સ એન્ડ સાયન્સીસ દ્વારા આજે જાહેરાત કરવામાં આવી છે. આ કેટેગરીનો એવોર્ડ જીતવા માટે બ્રિટન, ડેન્માર્ક અને જાપાનની ફિલ્મો મુખ્ય દાવેદાર છે. અન્ય ફિલ્મો આ દેશોની છેઃ આર્મેનિયા, ભૂટાન, ફિનલેન્ડ, ફ્રાન્સ, જર્મની, આઈસલેન્ડ, ઈટાલી, મેક્સિકો, મોરોક્કો, સ્પેન, ટ્યૂનિશિયા અને યૂક્રેન. આ કેટેગરી માટે ભારત સહિત 88 દેશોની ફિલ્મોને પસંદ કરવામાં આવી હતી. એમાંથી 15 ફિલ્મોને શોર્ટલિસ્ટ કરવામાં આવી છે. હવે આ 15 ફિલ્મોને વોટિંગના રાઉન્ડમાં મૂકવામાં આવશે.

RELATED ARTICLES
- Advertisment -
Google search engine

Most Popular