મુંબઈ: બૉલિવૂડ એક્ટ્રેસ દીપિકા પાદુકોણ તેની પ્રેગ્નન્સીને લઈને ઘણા સમયથી ચર્ચામાં છે. જ્યારથી રણવીર સિંહ અને દીપિકાએ આ જાહેરાત કરી છે ત્યારથી આ કપલના ફેન્સ ખૂબ ખુશ છે. દરેક લોકો તેમને અભિનંદન આપી રહ્યા છે અને બાળકની આ દુનિયામાં આવવાની રાહ જોઈ રહ્યા છે. એક તરફ ખુશીઓથી ભરેલું સકારાત્મક વાતાવરણ છે તો બીજી તરફ કેટલાક લોકો એવા છે જેઓ દીપિકા પાદુકોણ પર નકલી પ્રેગ્નન્સીનો આરોપ લગાવી રહ્યા છે. કેટલાક સોશિયલ મીડિયા યુઝર્સનું કહેવું છે કે દીપિકાએ નકલી બેબી બમ્પ પહેર્યો છે અને તે પોતે ગર્ભવતી નથી. જો કે આ બધાને જવાબ આપતા દીપિકાએ એક તસવીર શેર કરી છે.
દીપિકાએ ઈન્સ્ટાગ્રામ પર એક તસવીર પોસ્ટ કરી છે. જેમાં અભિનેત્રીનો બેબી બમ્પ સ્પષ્ટ દેખાઈ રહ્યો છે. દીપિકાએ આ તસવીર સાથે સવાલ ઉઠાવનારા લોકોને જવાબ આપ્યો છે. શેર કરેલી તસવીરમાં દીપિકા ફીટ બ્લેક ડ્રેસમાં જોવા મળી રહી છે. આમાં દીપિકાનો બેબી બમ્પ સ્પષ્ટ દેખાઈ રહ્યો છે. કદાચ આ તસવીર જોઈને દીપિકાને પણ ખાસ ફીલ થયુ હશે, એટલે જ તેણે ફેન્સ સાથે તસવીર શેર કરી છે.
View this post on Instagram
વર્ક ફ્રન્ટની વાત કરીએ તો દીપિકા પાદુકોણ રોહિત શેટ્ટીની ફિલ્મ ‘સિંઘમ અગેન’માં જોવા મળશે. આ ફિલ્મમાં તે એક્શન કરતી જોવા મળશે. તેણી પહેલાથી જ તેને શૂટ કરી ચૂકી છે. હાલમાં દીપિકા બ્રેક પર છે ક્યારેક તે ઇવેન્ટ્સ અને પાર્ટીઓમાં અથવા તેના પરિવાર સાથે સમય પસાર કરતી જોવા મળે છે.
