નવી દિલ્હીઃ ઉત્તર પ્રદેશના સીતાપુરની લોકસભામાં એક મહિલાએ કોંગ્રેસ સાંસદ રાકેશ રાઠોડ પર દુષ્કર્મનો આરોપ લગાવ્યો છે. સીતાપુર જિલ્લાની ઓક કોર્ટે બળાત્કાર મામલે રાકેશ રાઠૌર વિરુદ્ધ ધરપકડ વોરન્ટ જારી કર્યું હતું. મહિલાની ફરિયાદ પર સાંસદ વિરુદ્ધ કેસ પણ નોંધવામાં આવ્યો હતો.
સાંસદ રાકેશ રાઠૌરે હાઇકોર્ટમાં આગોતરા જામીન માગ્યા હતા, પણ હાઇકોર્ટે તેમને ફટકાર લગાવી હતી. હાઇકોર્ટથી જામીન અરજી ફગાવવામાં આવ્યા પછી કોંગ્રેસ સાંસદ રાઠૌર એક પત્રકાર પરિષદ સંબોધિત કરી રહ્યા હતા, ત્યારે પોલીસે તેમની ધરપકડ કરી છે. રાઠૌર પર 35 વર્ષીય મહિલાને ઘરમાં બંધક બનાવીને એના પર દુષ્કર્મ કરવાનો અને ધમકાવવાનો આરોપ છે.
મહિલાનો આરોપ શું છે?
યુપીના સીતાપુરના કોતવાલી વિસ્તારની મહિલાએ આરોપ લગાવ્યો છે કે મને 4 વર્ષ સુધી લગ્નની લાલચ આપીને મારી સાથે શારીરિક શોષણ કર્યું છે. લગ્ન અને રાજકીય કારકિર્દી બનાવવાને બહાને મારી સાથે દુષ્કર્મ કરવામાં આવ્યું હતું. પોલીસે ઈલેક્ટ્રોનિક સર્વેલન્સની તપાસ કર્યા બાદ કેસ નોંધ્યો છે.
Sitapur, Uttar Pradesh: Congress MP Rakesh Rathore was taken into police custody during a press conference at his residence in connection with a Rape case pic.twitter.com/KlsQtjVhYi
— IANS (@ians_india) January 30, 2025
આ મામલે સીતાપુરના એસપી ચક્રેશ મિશ્રાએ કહ્યું હતું કે સીતાપુરમાં એક પીડિતાએ પોલીસ સમક્ષ હાજર થઈને ફરિયાદ કરી છે કે કોંગ્રેસના લોકસભા સાંસદ રાકેશ રાઠોડે ચાર વર્ષ સુધી મહિલા સાથે બળાત્કાર કર્યો હતો. લગ્ન અને રાજકીય કારકિર્દીને બહાને આ બળાત્કાર કરવામાં આવ્યો હતો. પીડિતાએ ઈલેક્ટ્રોનિક પુરાવા અને રેકોર્ડિંગ આપ્યા છે. મહિલાએ એ પણ જણાવ્યું કે તેને આરોપી તરફથી સતત ધમકીઓ મળી રહી છે. પીડિતા અને આરોપી સંબંધી છે. પોલીસ સ્ટેશનમાં કેસ નોંધવામાં આવ્યો છે. પોલીસ પુરાવા એકત્ર કરી રહી છે. પીડિતાની મેડિકલ તપાસ અને નિવેદન નોંધવામાં આવ્યું છે. પીડિતાએ તેના નિવેદનમાં આ ઘટનાની પુષ્ટિ કરી છે. પોલીસે પીડિતાને સુરક્ષા પણ પૂરી પાડી છે.
