ભારતે મહિલા એશિયન ચેમ્પિયન્સ ટ્રોફી 2024ની ફાઇનલમાં ચીનને હરાવીને ટાઇટલ જીત્યું છે. એશિયન ચેમ્પિયન્સ ટ્રોફીના ઈતિહાસમાં આ ત્રીજી વખત છે જ્યારે ભારતીય ટીમે આ ખિતાબ જીત્યો છે. ભારત તરફથી મેચનો એકમાત્ર ગોલ દીપિકાએ 31મી મિનિટે પેનલ્ટી કોર્નરને ગોલમાં ફેરવ્યો હતો. બિહારના રાજગીર સ્પોર્ટ્સ કોમ્પ્લેક્સમાં ફાઈનલ મેચ જોવા ઉમટેલી ભીડ પણ ખેલાડીઓમાં ભારે ઉત્સાહથી ભરાઈ ગઈ હતી.
🏆𝙄𝙣𝙙𝙞𝙖𝙣 𝙒𝙤𝙢𝙚𝙣’𝙨 𝙃𝙤𝙘𝙠𝙚𝙮 𝙏𝙚𝙖𝙢 𝙀𝙢𝙚𝙧𝙜𝙚𝙨 𝙑𝙞𝙘𝙩𝙤𝙧𝙞𝙤𝙪𝙨
🏑𝐅𝐢𝐧𝐚𝐥 𝐒𝐜𝐨𝐫𝐞:
India 🇮🇳 1️⃣ : 0️⃣ 🇨🇳 China
Deepika (PC) 31′ #IndiaKaGame #BharatKiSherniyan | #HockeyIndia #BiharWACT2024Final | @IndiaSports | #WomensAsianChampionsTrophy |… pic.twitter.com/Ljp9I5X7d7— All India Radio News (@airnewsalerts) November 20, 2024
ભારત અને ચીન વચ્ચે રમાયેલી ફાઈનલ મેચમાં પ્રથમ બે ક્વાર્ટર ગોલ રહિત રહ્યા હતા એટલે કે હાફ ટાઈમ સુધી કોઈ ટીમ ગોલ કરી શકી ન હતી. પરંતુ ત્રીજા ક્વાર્ટરની શરૂઆત બાદ પહેલી જ મિનિટમાં ભારતને પેનલ્ટી કોર્નર મળ્યો, જેને દીપિકાએ ગોલમાં ફેરવી દીધો. સલીમા ટેટેને આ ટૂર્નામેન્ટ પહેલા જ ભારતીય ટીમની કેપ્ટન બનાવવામાં આવી હતી અને તેના પહેલા જ પ્રોજેક્ટમાં તેણે ટીમ ઈન્ડિયાને ચેમ્પિયન બનાવીને ઐતિહાસિક કારનામું કર્યું છે. ચીને છેલ્લી ઘડી સુધી ગોલ કરવાનો અથાક પ્રયાસ કર્યો હતો. તેણે છેલ્લી ઘડીમાં મેદાન પરના 11મા ખેલાડી સાથે ગોલકીપરની બદલી કરી. આમ છતાં ચીનની ટીમ ગોલ કરી શકી ન હતી.
Women’s Asian Champions Trophy | India beat China 1-0 in the finals of the Hockey Tournament at Rajgir, Bihar#HockeyIndia #BiharWACT2024Final #WomensAsianChampionsTrophy #HockeyKaParvBiharKaGarv pic.twitter.com/K1R6SbydJH
— DD News (@DDNewslive) November 20, 2024
ભારત ત્રીજી વખત ચેમ્પિયન બન્યું
તમને જણાવી દઈએ કે ભારત આ પહેલા બે વખત એશિયન ચેમ્પિયન્સ ટ્રોફીનો ખિતાબ જીતી ચૂક્યું છે. 2016માં ટીમ ઈન્ડિયાએ ચીનને રોમાંચક મેચમાં 2-1થી હરાવ્યું હતું. જ્યારે 2023માં ભારતીય ટીમે ટાઈટલ મેચમાં જાપાનને 4-0થી હરાવીને ટ્રોફી જીતી હતી. ભારતે છેલ્લી પાંચ ટૂર્નામેન્ટમાં ત્રીજી વખત આ ખિતાબ જીત્યો છે, તો બીજી તરફ ઈતિહાસમાં ચીન ત્રીજી વખત ફાઇનલમાં પહોંચ્યું હતું, પરંતુ આ વખતે પણ તેને નિરાશા હાથ લાગી છે. ભારતની આ જીત એટલા માટે પણ યાદગાર છે કારણ કે તેણે એકપણ મેચ હાર્યા વિના ટૂર્નામેન્ટમાં ટાઇટલ જીત્યું હતું.
