અમદાવાદઃ ઘરેલુ શેરબજારોમાં બે દિવસથી ચાલતી તેજીને બ્રેક વાગી હતી. જેથી સેન્સેક્સ અને નિફ્ટી એક-એક ટકાથી વધુ તૂટ્યા હતા. નિફ્ટીએ પણ 24,400ના સ્તરની નીચે બંધ આવ્યો હતો. સેન્સેક્સમાં 800થી વધુ પોઇન્ટ ઘટાડો થયો હતો. રોકાણકારોની સંપત્તિમાં 4.27 લાખ કરોડનો ઘટાડો થયો હતો.
ડોનાલ્ડ ટ્રમ્પ અમેરિકામાં રાષ્ટ્રપતિ બીજી વાર ચૂંટાઈ આવ્યા હતા, પણ જ્યારે તેઓ વિપક્ષમાં હતા, ત્યારે તેમણે ફેડ ચેરમેન જેરોમ પોવેલના નિર્ણયોની અનેક વાર ટીકા કરી હતી. હવે તેઓ જ્યારે વ્હાઇટ હાઉસમાં આવી રહ્યા છે, ત્યારે તેઓ ફેડ રિઝર્વના ચેરમેન જેરોમ પોવેલને હાંકી કાઢે એવી શક્યતા છે. જેથી ફેડ રિઝર્વે શરૂ કરેલી વ્યાજકાપની સાઇકલને બ્રેક લાગી શકે છે. વળી ટ્રમ્પે ફેડને ચલાવનાર દરેક વ્યક્તિની ટીકા કરી છે. જેથી બદલાયેલા સિનારિયોમાં હવે ફેડ રિઝર્વની પોલિસીની સમીક્ષા થશે. રોકાણકારો જોવા ઇચ્છે છે કે બદલાયેલી પરિસ્થિતિમાં ફેડ શું વલણ અપનાવે છે, કેમ આગામી સમયમાં પોલિસીને લઈને પણ સંકેતો મળશે. બજાર હવે વ્યાજદરમાં એક ચતુર્થાંસ કાપની શક્યતા જોઈ રહ્યો છે. આ સિવાય FIIની વેચવાલી, કંપનીઓનાં નબળાં પરિણામોને પગલે શેરબજાર પર દબાણ જોવા મળશે.
ઘરેલુ બજારોમાં ટ્રેડિંગ સેશનને અંતે સેન્સેક્સ 836 પોઇન્ટ તૂટીને 79,542 સ્તરે બંધ થયો હતો, જ્યારે નિફ્ટી 285 પોઇન્ટ તૂટીને 24,199ના સ્તેર બંધ થયો હતો. મેટલ ન્ડેક્સ ત્રણ ટકા તૂટ્યો હતો, જ્યારે ઓટો, ફાર્મા અને રિયલ્ટી સેક્ટર 1-1 ટકાથી વધુ તૂટ્યા હતા.
BSE એક્સચેન્જ પર કુલ 4053 શેરોમાં કામકાજ થયાં હતાં, જેમાં 1825 શેરો તેજીની સાથે બંધ થયા હતા. આ સાથે 2129 શેરો નરમ બંધ રહ્યા હતા, જ્યારે 99 શેરો સપાટ બંધ રહ્યા હતા. આ સિવાય 374 શેરોએ 52 સપ્તાહની નવી ઊંચી સપાટી સર કરી હતી, જ્યારે 200 શેરોએ 52 સપ્તાહની નીચલી સપાટીએ પહોંચ્યા હતા.
