નવી દિલ્હીઃ એક સંસદીય સમિતિએ આવતી પાંચ એપ્રિલે ખાનગી એરલાઈન્સના માલિકોને અહીં મળવા માટે બોલાવ્યા છે. વધી ગયેલા વિમાન ભાડાના મુદ્દે સમિતિના સભ્યો એમની સાથે ચર્ચા કરવા માગે છે. આ સમિતિનું અધ્યક્ષપદ રાજ્યસભાના સદસ્ય અને વાઈએસઆરસીપી પાર્ટીના નેતા વિજયસાઈ રેડ્ડી સંભાળશે. એમણે એર ઈન્ડિયા, ગોએર, ઈંડિગો અને સ્પાઈસજેટ સહિત દેશની તમામ ખાનગી એરલાઈન્સના માલિકોને ચર્ચામાં સામેલ થવા જણાવ્યું છે.
આ બેઠક સામાન્ય નાગરિકો સાથે સંકળાયેલો મહત્ત્વનો મુદ્દો છે. ખાનગી એરલાઈન્સ મોટા ભાગની ફ્લાઈટ્સ માટે ખૂબ ઊંચા વિમાન ભાડા વસૂલ કરે છે. તેથી આગામી બેઠકમાં સમિતિના સભ્યો એમની સાથે ચર્ચા કરીને આ ભાડાવધારાની પાછળનાં કારણોની તપાસ કરશે.
