મુંબઈઃ ગિફ્ટ સિટી ખાતે આવેલા દેશના સૌપ્રથમ આંતરરાષ્ટ્રીય એક્સચેન્જ ઈન્ડિયા ઈન્ટરનેશનલ એક્સચેન્જ (આઈએફએસસી)માં BSEના ઈન્ડિયા INX ખાતે તાજેતરમાં એક દિવસમાં 4.92 અબજ યુએસ ડોલર (આશરે રૂ. 36,866 કરોડ)ના કામકાજનો નવો રેકોર્ડ સર્જાયો હતો.
BSEના ઈન્ડિયા INX ખાતે ટર્નઓવર દિન પ્રતિદિન વધી રહ્યું છે. આ એક્સચેન્જમાં સરેરાશ 2.25 અબજ ડોલરનું કામકાજ થાય છે. જૂન 2020માં ટર્નઓવર આગલા મહિનાની તુલનાએ 16.47 ટકા વધ્યું છે. રૂપી ડોલર ડેરિવેટિવ્ઝમાં 24 જુલાઈ સુધીમાં 862.60 કરોડ યુએસ ડોલરનું કામકાજ થયું છે એ ગિફ્ટ આઈએફએસસી ખાતેની બજારના 85 ટકા છે. વેશ્વિક મહામારીના કપરા સમયમાં પણ એક્સચેન્જ અવિરત 22 કલાક કાર્યરત રહે છે.
