શેર બજારમાં સપ્તાહના વચ્ચેના દિવસે જોરદાર ઉછાળ આવતો જોવા મળી રહ્યો છે. નિફ્ટી 50ની વાત કરીએ તો, ગઈકાલની તેજીને આગળ વધારતા નવી સવારના નવા જોશ સાથે રેકોર્ડ ઉંચાઈ પર પહોંચ્યું છે. જ્યારે સેન્સેક્સ પણ ગઈકાલ લાલ નિશાનમાં બંધ થયું હતું, જે આજે 500 પોઈન્ટના ઉછાળા સાથે ખુલતું જોવા મળ્યું હતું. જ્યારે BSE માર્કેટ કેપ સર્વોચ્ચ ઉંચાઈ પર જોવા મળ્યું હતું. ત્યારે રૂપિયો પણ ડૉલર સામે 5 પૈસા સુધરીને 83.53 આસપાસ ખુલતો જોવા મળ્યો હતો.
સેન્સેક્સ આજે 200 પોઈન્ટના આસપાસ સુધરીને ખુલ્યો હતો, જે 12 વાગ્યા સુધીમાં લગભગ 450 પોઈન્ટ ઉછળી 76931ના સ્તરે આસપાસ જોવા મળ્યો હતો. નિફ્ટી 150 પોઈન્ટના ઉછાળા સાથે 23413 આસપાસ જોવા મળી રહ્યો છે. ઉલ્લેખનીય છે કે આજે નિફ્ટીએ 23441.95ની નવી ઐતિહાસિક સપાટી નોંધાવી છે. ત્યારે બીએસઈ માર્કેટ કેપ 430.24 લાખ કરોડ થયુ છે. Sensex પણ ઓલટાઈમ હાઈ 77079ની સપાટી નજીક પહોંચ્યો હતું.
આજે સ્મોલકેપ, મીડકેપ, ઓટો, ટેલિકોમ ઈન્ડેક્સ સર્વોચ્ચ ટોચે પહોંચ્યા હતા. સ્મોલકેપ શેરોમાં તેજીના પગલે બીએસઈ સ્મોલકેપ ઈન્ડેક્સ 50223ની ઐતિહાસિક ટોચે પહોંચ્યો હતો. ગઈકાલે વૈશ્વિક સ્તરે નબળા સંકેતો અને પ્રોફિટ બુકિંગના કારણે માર્કેટ ફ્લેટ બંધ થયા હતા. ત્યારે માર્કેટ નિષ્ણાતો સહિત રોકાણકારો ફેડ પોલિસીની જાહેરત અને અમેરિકી ફુગાવાના આંકડા પર મિટ માંડી બેઠા હતા. રોકાણકારોને અપેક્ષા છે કે, વર્ષના અંત સુધી ફેડ રિઝર્વ વ્યાજદરોમાં ઘટાડાની શરૂઆત કરી શકે છે.
