Tuesday, June 10, 2025
Google search engine
HomeNewsBusinessજાપાની અધિકારીઓને ટ્રેન પ્રોજેક્ટ સમયસર પૂરો કરવાની ફડણવીસની હૈયાધારણ

જાપાની અધિકારીઓને ટ્રેન પ્રોજેક્ટ સમયસર પૂરો કરવાની ફડણવીસની હૈયાધારણ

મુંબઈઃ મહારાષ્ટ્રના ઉપ મુખ્ય પ્રધાન દેવેન્દ્ર ફડણવીસે જાપાનના કાઉન્સિલ જનરલ ફુકાહોરી યાસુકાતાને બુલેટ ટ્રેનના ફાસ્ટ-ટ્રેકિંગ ઇન્ફ્રાસ્ટ્રક્ચર પ્રોજેક્ટ માટે હૈયાધારણ આપી હતી. આ પ્રોજેક્ટમાં જાપાન ઇન્ટરનેશનલ કો-ઓપરેશન એજન્સી (JICA) દ્વારા નાણાંનું ધિરાણ કરવામાં આવ્યું છે. તેમણે બુધવારે મુંબઈમાં યાસુકાતા અને અન્ય જાપાની અધિકારીઓ સાથે બેઠક દરમ્યા બુલેટ ટ્રેનની કામગીરી માટે આશ્વાસન આપ્યું હતું.

વડા પ્રધાનના આ મહત્ત્વાકાંક્ષી બુલેટ ટ્રેનનો હાઇ સ્પીડ રેલવે પ્રોજેક્ટ અમદાવાદ અને મુંબઈની વચ્ચે સ્થપાનારો છે, જેમાં બુલેટ ટ્રેનનો ઉદ્દેશ અમદાવાદ-મુંબઈ વચ્ચે પ્રતિ કલાક 320ની ઝડપે ટ્રેન ચલાવવાનો છે.

આ ઉપરાંત JICA દ્વારા આગામી મુંબઈ મેટ્રો-3 લાઇન અને મુંબઈ ટ્રાન્સ-હાર્બર (MTHL પ્રોજેક્ટ માટે પણ ફંડ આપવામાં આવનાર છે. એક વાર આ પ્રોજેક્ટ પૂરો થયા પછી MTHL દેશનો સૌથી લાંબો સમુદ્ર પરનો પૂલ હશે, જેની લંબાઈ 21.8 કિલોમીટર હશે.

યાસુકાતા સિવાય આ પ્રોજેક્ટના મિશન માટે ડેપ્યુટી કનેકો તોશિલહિરો અને અન્ય વરિષ્ઠ જાપાની અધિકારીઓ પણ આ બેઠકમાં ઉપસ્થિત હતા. ફડણવીસે એક સોશિયલ મિડિયામાં પોસ્ટમાં કહ્યું હતું કે અમે JICA દ્વારા ધિરાણ કરવામાં આવેલા પ્રોજેક્ટો જેવા કે બુલેટ ટ્રેન. MTHL અને મેટ્રો-3 લાઇન પર વિચારવિમર્શ કર્યો હતો. મેં તેમને આશ્વાસન આપ્યું હતું કે એ સરકાર આ બધા પ્રોજેક્ટોને ઝડપથી ટ્રેક કરીને સમયસર પૂરો કરવા માટે પ્રતિબદ્ધ છે.

 

 

RELATED ARTICLES
- Advertisment -
Google search engine

Most Popular