મુંબઈઃ કેન્દ્ર સરકાર હસ્તકની ઓઈલ માર્કેટિંગ કંપનીઓએ ઘરેલુ એલપીજી (રાંધણગેસ) સિલિન્ડરોની કિંમતમાં 15 રૂપિયાનો વધારો કર્યો છે. 14.2 કિલોગ્રામ વજનનું સબ્સિડી વગરનું એલપીજી સિલિન્ડર હવે 15 રૂપિયા મોંઘું થયું છે. આ સાથે સબ્સિડી વગરના રાંધણગેસ સિલિન્ડરનો મુંબઈમાં નવો ભાવ થયો છે રૂ. 899.50. પાંચ કિલોગ્રામ વજનનું સિલિન્ડર હવે રૂ. 502માં મળશે.
ચાલુ વર્ષની વાત કરીએ તો, ગઈ 1 જાન્યુઆરીમાં એક એલપીજી સિલિન્ડરની કિંમત રૂ. 694 હતી. તે પછી 1 સપ્ટેમ્બરે તે વધારીને રૂ. 884 કરાઈ હતી. આમજનતાનો જીડીપી બગાડનાર ગેસ સિલિન્ડરની કિંમત છેલ્લા આઠ મહિનામાં 190 રૂપિયા વધી છે.
