પ્રથમ દિવસે 77,100 બેરલ્સનું કામકાજ અને 10,400 બેરલ્સના
ઓપન ઈન્ટરેસ્ટ જોવા મળ્યા
મુંબઈ તા.28 જાન્યુઆરી, 2020ઃ
દેશના અગ્રણી એક્સચેન્જ બીએસઈમાં મંગળવારથી બ્રેન્ટ ક્રૂડ ઓઈલ ફ્યુચર્સનું ટ્રેડિંગ શરૂ થયું હતું, જેમાં 77,100 બેરલ્સનું ટ્રેડિંગ વોલ્યુમ સર્જાયું હતું અને 10,400 બેરલ્સના ઓપન ઈન્ટરેસ્ટ રહ્યા હતા. સેબીના પૂર્ણ સમયના મેમ્બર એસ.કે. મોહન્તીના હસ્તે સત્તાવાર રીતે બ્રેન્ટ ક્રૂડ ઓઈલના ફ્યુચર્સ કોન્ટ્રેક્ટ્સના ટ્રેડિંગનો પ્રારંભ કરવામાં આવ્યો હતો.
એક્સચેન્જ તેના રૂપિયામાં દર્શાવાયેલા (રૂપી ડિનોમિનેટેડ) બ્રેન્ટ ફ્યુચર્સ કોન્ટ્રેક્ટની ફાઈનલ સેટલમેન્ટ પ્રાઈસ તરીકે આઈસીઈ બ્રેન્ટ ઈન્ડેક્સનો વપરાશ કરશે.
બ્રેન્ટ ફ્યુચર્સ કોન્ટ્રેક્ટ અંગે બીએસઈના ચીફ બિઝનેસ ઓફિસર સમીર પાટીલે કહ્યું, બીએસઈ વેપારીઓ, રોકાણકારો અને બજારના બધા સહભાગીઓને સુગમ અને કિંમતની દૃષ્ટિએ અસરકારક હેજિંગ પ્રોક્ટ્સ પૂરાં પાડી કોમોડિટીઝની બજારોને વિસ્તૃત બનાવવાના પંથે છે. અમે માનીએ છીએ કે આ કોન્ટ્રેક્ટ બધા હિતધારકો માટે સ્વીકાર્ય બનશે અને બધા હિતધારકો માટે જોખમ ઘટાડવાનું પસંદગીનું સાધન બની રહેશે. અમારી આઈસીઈ સાથેની ભાગીદારી એક નવી સિદ્ધિ છે અને તેનાથી દેશની એનર્જી કોમોડિટી ક્ષેત્રની જરૂરિયાતો અને હિતો લાંબા ગાળા માટે સંતોષાશે.”
દેશના આયાતી અને સ્થાનિક ઉત્પાદન સહિતના જુદા જુદા ક્રૂડ સાથે બ્રેન્ટ ક્રૂડ 98 ટકા સહ-સંબંધ ધરાવે છે, જ્યારે 2019માં ડબ્લ્યુટીઆઈનો સહ-સબંધ 88 ટકા રહ્યો હતો. દેશના ક્રૂડ ઓઈલમાં 25.23 ટકા જેવા નોંધપાત્ર હિસ્સા અને 98 ટકા જેવા સહ-સંબંધ (કોરિલેશન)ને પગલે ભારતમાંના વપરાશકારોમાં બ્રેન્ટ ક્રૂડ ઈન્ડેક્સ વધુ પસંદગી પામ્યો છે.
બીએસઈ બ્રેન્ટ ક્રૂડ કોન્ટ્રેક્ટ ફક્ત તેલ બજારની અનિશ્ચિતતાથી બચાવવા માટે જ નહિ પરંતુ ભારતમાં બજારના સહભાગીઓને વધારાની પારદર્શિતા, કાર્યક્ષમતા અને ખર્ચની દૃષ્ટિએ અસરકારક હેજિંગ ટૂલ્સ પૂરાં પાડી શકાય એ રીતના બનાવવામાં આવ્યા છે. દેશના ઓઇલ ઉત્પાદકો, રિફાઇનર્સ, વપરાશકારો, રોકાણકારો અને વેપારીઓ બ્રેન્ટ ક્રૂડમાં વૈશ્વિક સ્તરના ભાવો અને વેપાર પદ્ધતિઓનો લાભ મેળવી શકે છે.
