મુંબઈઃ BSEના ઈક્વિટી ડેરિવેટિવ્ઝ સેગમેન્ટમાં ટર્નઓવર 30 જુલાઈ, 2020ના રોજ રૂ.52,763 કરોડની નવી ટોચે પહોંચ્યું હતું. સોમવારની એક્સપાયરી ધરાવતા સેન્સેક્સ 50 વીકલી ફ્યૂચર્સ એન્ડ ઓપ્શન્સ કોન્ટ્રેક્ટ જ્યારથી શરૂ કરાયા ત્યારથી એક્સચેન્જના ઈક્વિટી ડેરિવેટિવ્ઝ સેગમેન્ટમાં સતત ટર્નઓવર વધી રહ્યું છે.
BSEએ 29 જૂન, 2020થી સેન્સેક્સ 50ના વીકલી ફ્યુચર્સ અને ઓપ્શન્સ કોન્ટ્રેક્ટ્સ લોન્ચ કર્યા હતા એ પછી ટર્નઓવર કૂદકેને ભૂસકે વધી રહ્યું છે. આ પૂર્વે 23 જુલાઈએ રૂ.38229 કરોડના સૌથી અધિક ટર્નઓવરનો રેકોર્ડ સર્જાયો હતો. વીકલી ફ્યુચર્સ લોન્ચ કરાયાના માત્ર 13 દિવસમાં આ સેગમેન્ટમાં ટર્નઓવર વધીને રૂ.20,209 કરોડ થયું હતું.
BSE અન્ય સર્વિસીસ જેવી કે સુપિરિયર ફ્રન્ટ-એન્ડ ટ્રેડિંગ સોફ્ટવેર અને કો-લોકેશન્સ સર્વિસીસ પણ વિનામૂલ્યે પૂરી પાડી રહ્યું છે.
