અમદાવાદઃ અદાણી પોર્ટ્સ અને સ્પેશિયલ ઇકોનોમિક ઝોન લિ (APSEZ) એ તેના સંચાલન હસ્તકના આંતરરાષ્ટ્રીય બંદરો સહિત નાણાકીય વર્ષ-૨૪માં વાર્ષિક ધોરણે 24 ટકાની વૃદ્ધિ સાથે 420 MMT કાર્ગોનું સંચાલન કર્યું છે, જેમાં ઘરઆંગણાનાં બંદરોના 408 MMT કાર્ગોના સંચાલનના યોગદાનનો પણ સમાવેશ થાય છે. તેણે આંતરરાષ્ટ્રીય બંદરો સહિતના તેના સંચાલન હસ્તકનાં બંદરોના કાફલાએ માર્ચ, 2024માં તેના અત્યાર સુધીના સૌથી વધુ માસિક 38 MMTથી વધુ કાર્ગોના જથ્થાનું પણ સંચાલન કર્યું છે. કંપનીના સંચાલન હસ્તકના દેશનાં દસ બંદરો અને ટર્મિનલ્સે વિક્રમજનક કાર્ગો વોલ્યુમનું પરિવહન કર્યું છે, તદનુસાર મુંદ્રા 180 તુણા 10, હજીરા 26, મોર્મુગાઓ 5, કરાઈકલ 12, એન્નોર 13, કટ્ટુપલ્લી 12, કૃષ્ણપટ્ટનમ 59, ગંગાવરમ 37 અને ધામરા બંદરોએ 43 MMT કાર્ગોનું સંચાલન કર્યું છે. 
નાણાકીય વર્ષ-24માં તમામ ભારતીય કાર્ગો વોલ્યુમના ચોથા ભાગથી વધુ કાર્ગો APSEZ હસ્તકનાં બંદરો દ્વારા રૂટ કરવામાં આવ્યો હતો. APSEZનું આ ગણનાપાત્ર યોગદાન ભારતની વિકાસ યાત્રાને વેગવાન બનાવવામાં તેની સક્રિય ભૂમિકાને રેખાંકિત કરવા સાથે. તે ભારતના સૌથી મોટા પોર્ટ ઓપરેટરેએ નાણાકીય વર્ષની શરૂઆતમાં આપવામાં આવેલ 370 MMT-390 MMTના કાર્ગો વોલ્યુમના દિશા-નિર્દેશને સરળતાથી વટાવી દીધાનું પણ દર્શાવે છે.
APSEZના મેનેજિંગ ડિરેક્ટર કરણ અદાણીએ જણાવ્યું હતું કે વાર્ષિક કાર્ગો થ્રુપુટના પ્રથમ 100 MMT હાંસલ કરવામાં કંપનીને 14 વર્ષ લાગ્યાં હતાં, જ્યારે બીજા અને ત્રીજા 100 MMT થ્રુપુટ અનુક્રમે પાંચ અને ત્રણ વર્ષમાં પ્રાપ્ત થયા હતા. તાજેતરનો 100 MMTનો આંક બે વર્ષથી ઓછા સમયમાં હાંસલ કરવામાં આવ્યો છે. અમારી ઓપરેશનલ કાર્યક્ષમતા વધારવાની પ્રતિબદ્ધતા અને ઉદ્યોગમાં શિરમોર પોર્ટ ઓપરેટર તરીકેની અમારી સ્થિતિ જાળવી રાખવા માટેના પ્રયાસોનો આ પુરાવો છે.
ચાલુ વર્ષે APSEZએ કામગીરીના વિવિધ નવા સીમાચિહ્નો હાંસલ કર્યા છે. તે મુજબ તેનાં મુખ્ય મુન્દ્રા બંદર ઓક્ટોબર-2023ના એક જ મહિનામાં 16 MMT કાર્ગો હેન્ડલ કરનાર ભારતનું પ્રથમ બન્યું છે. તેના કન્ટેનર ટર્મિનલ CT-3એ વર્ષમાં 30 લાખ TEU અને નવેમ્બર, 2023ના એક જ મહિનામાં લગભગ ત્રણ લાખ TEU હેન્ડલ કરી ભારતમાં પ્રથમ બનવાનું સીમાચિહ્ન હાંસલ કર્યું હતું. તેણે લગભગ 399 મીટર લાંબું અને 54 મીટર પહોળું કોઈ પણ ભારતીય બંદર પર અત્યાર સુધીનું સૌથી મોટું જહાજ બર્થ કર્યું હતું અને એક જ જહાજ, MV MSC લિવોર્નો પર સૌથી વધુ સંખ્યામાં 16,569 TEU હેન્ડલ કર્યા હતા, જે શ્રેષ્ઠ રાષ્ટ્રીય 16,400 TEUsને વટાવી ગયા હતા. તેણે 4300થી વધુ જહાજોનું સંચાલન કરીને પોતાના અગાઉના 3,938 જહાજોના વિક્રમને વટાવ્યો છે.
મુન્દ્રા બંદરે રેલવે દ્વારા 1.9 MTEUsના વિક્રમરુપ કન્ટેનર વોલ્યુમનું સંચાલન કર્યું છે, જે ગત વર્ષની તુલનાએ 12 ટકાની વૃદ્ધિ દર્શાવે છે. ગયા વર્ષના 54 ટકાની સરખામણીએ ફેબ્રુઆરી, 2024 સુધીમાં ડબલ સ્ટેક ગુણાંક 59 ટકા હતો.
ડ્રાય કાર્ગોના ક્ષેત્રમાં ચાલુ નાણાકીય વર્ષમાં તુણા, મોર્મુગાઓ, કરાઈકલ, ક્રિષ્નાપટ્ટનમ, ગંગાવરમ અને ધામરા જેવા બંદરોએ વિક્રમજનક વોલ્યુમનું સંચાલન કર્યું છે.
