અમદાવાદઃ અદાણી ગ્રુપની કંપની અદાણી પોર્ટ્સ એન્ડ સ્પેશિયલ ઇકોનોમિક ઝોન (APSEZ) ગ્લોબલ ઓફ્ફશોર સપોર્ટ વેસેલ (OSV) ઓપરેટર એસ્ટ્રોમાં 80 ટકા હિસ્સો ખરીદ્યો છે. જ્યારે હાલના પ્રમોટરોનો એમાં 20 ટકા હિસ્સો રહેશે. કંપનીએ આ સોદો 18.5 કરોડ ડોલરમાં કર્યો છે. જોકે એસ્ટ્રો હસ્તાંતરણ 23.5 કરોડ ડોલરની એન્ટરપ્રાઇઝ વેલ્યુ પર થયો છે. કંપનીનું કહેવું છે કે આ સોદાથી પહેલા વર્ષથી જ એ મૂલ્યવૃદ્ધિ કરનારો સાબિત થાય એવી શક્યતા છે. 30 એપ્રિલ, 2024એ પૂરા થતા નાણાકીય વર્ષ માટે એસ્ટ્રોએ 95 મિલિયન ડોલરની આવક અને 41 મિલિયન ડોલરનો EBITDA નોંધાવ્યો હતો.
એસ્ટ્રો વર્ષ 2009માં શરૂ થઈ હતી, જે મધ્ય-પૂર્વ, ભારત, ઇસ્ટ એશિયા અને આફ્રિકામાં એક અગ્રણી વૈશ્વિક OSV ઓપરેટર છે. કંપની પાસે 26 OSVની વેસલ છે, જેમાં એન્કર હેન્ડલિંગ ટગ્સ (AHT), ફ્લેટ ટોપ બાર્જ, મલ્ટિપર્પઝ સપોર્ટ વેસલ્સ (MPSV) અને વર્કબોટ સામેલ છે અને એ વેસેલ મેનેજમેન્ટ અને કોમ્પ્લિમેન્ટરી સર્વિસિસ આપે છે.
APSEZ🤝Astro Offshore
We are pleased to announce that #APSEZ has acquired an 80% stake in global Offshore Support Vessels operator Astro! This strategic move strengthens our international portfolio and showcases India’s growing influence in the maritime industry.
Astro, a… pic.twitter.com/AXc5Xx71eP
— Adani Ports and SEZ Ltd (@Adaniports) August 30, 2024
APSEZના સંપૂર્ણ સમયના ડિરેક્ટર અને CEO અશ્વિની ગુપ્તાએ જણાવ્યું હતું કે એસ્ટ્રોના હસ્તગતથી વિશ્વના સૌથી મોટા સમુદ્રી ઓપરેટર્સમાંથી એક બનવાનો અમારા રોડમેપનો ભાગ છે. એસ્ટ્રો અમારા 142 ટગ અને ડ્રેજરના હાલની વેસલ્સમાં 26 OSV ઉમેરી દેશે, જેનાથી એની સંખ્યા 168એ પહોંચશે. આ હસ્તાંતરણ અમને આરબની ખાડી, ભારતીય મહાદ્વીપ અને પૂર્વ એશિયામાં અમને મજબૂત કરતાં ટિયર-1 ગ્રાહકોની એક અસરકારક યાદી સુધી પહોંચ આપશે.
એસ્ટ્રોના મોટા ગ્રાહકોમાં NMDC, મેકડરમોટ, COOEC, લાર્સન એન્ડ ટુબ્રો અને સેપેમ સામેલ છે. કંપની ઓફ્ફશોર ફેબ્રિકેશન અને કન્સ્ટ્રક્શનમાં અને ઓફ્ફશોર ટ્રાન્સપોર્ટેશન માર્કેટ્સમાં એક મોટી ખેલાડી છે.
