બોલિવૂડ અભિનેત્રી ઈશા કોપ્પીકર તેના માતા-પિતા અને પુત્રી રિયાના સાથે મહાકુંભમાં ડૂબકી લગાવવા પહોંચી છે. ઈશાએ તેના ઇન્સ્ટાગ્રામ પર એક વીડિયો શેર કર્યો છે, જેમાં તે સંગમમાં ડૂબકી લગાવતી જોવા મળી રહી છે. વીડિયોમાં અભિનેત્રી તેની પુત્રી સાથે પાણીમાં ડૂબકી લગાવતી જોવા મળે છે. તેના માતા-પિતા પણ એક ફ્રેમમાં જોવા મળે છે. એક ફોટામાં ઈશાને પ્રાર્થના કરતી જોઈ શકાય છે. તેમણે લખ્યું,’ત્રણ પેઢીઓ, એક પવિત્ર ક્ષણ. કુંભના દિવ્ય જળમાં ડૂબકી લગાવીને, શ્રદ્ધા, પરંપરા અને આશીર્વાદને એકસાથે સ્વીકારો.’
ઈશા કોપીકરે 1997 માં આવેલી તેલુગુ ફિલ્મ ‘ડબલ્યુ/ઓ વી. વારા પ્રસાદ’ થી સિનેમામાં પોતાની સફર શરૂ કરી હતી, જેમાં તે અભિનેતા વિનીત સાથે એક ગીતમાં જોવા મળી હતી. તમિલમાં તેની પહેલી ફિલ્મ ‘કધલ કવિધાઈ’ હતી જેમાં પ્રશાંત સાથે કામ કર્યું હતું. 1999માં ઈશા કોપ્પીકરે વિજય સાથે ‘નેન્જિનાયલે’માં કામ કર્યું. વર્ષ 2000માં તેણીએ કરિશ્મા કપૂર અને ઋતિક રોશન સાથે ખાલિદ મોહમ્મદની ફિલ્મ ‘ફિઝા’ માં એક નાની ભૂમિકા સાથે બોલિવૂડમાં પ્રવેશ કર્યો.
ઈશા કોપ્પીકરની ફિલ્મો
વર્ષ 2001 માં તેણીએ અર્જુન રામપાલ અને સુનીલ શેટ્ટીની ફિલ્મ ‘પ્યાર ઇશ્ક ઔર મોહબ્બત’ થી બોલિવૂડમાં પોતાનો સંપૂર્ણ પ્રવેશ કર્યો. ત્યાર બાદ તેણીએ કે.રાઘવેન્દ્ર રાવની કોમેડી ફિલ્મ ‘આમદાની અઠ્ઠાની ખર્ચા રુપૈયા’ હતી જેમાં ગોવિંદાની સામે ફિલ્મ આવી હતી. તેઓ છેલ્લે ‘લવ યુ લોકતંત્ર’ ફિલ્મમાં રૂપેરી પડદે જોવા મળ્યા હતા. આ ફિલ્મમાં કૃષ્ણા અભિષેક, અલી અસગર, સપના ચૌધરી, મનોજ જોશી, રવિ કિશન, ઈશા કોપ્પીકર, અમિત કુમાર, રોહિત સિંહ માટરુ, સુધીર પાંડે અને સ્નેહા ઉલ્લાલ જેવા કલાકારો છે.
View this post on Instagram
ઘણા સેલેબ્સ મહાકુંભમાં ગયા છે
ઈશાએ 2009 માં ઉદ્યોગપતિ ટિમી નારંગ સાથે લગ્ન કર્યા. જોકે, નવેમ્બર 2023 માં તેમના છૂટાછેડા થઈ ગયા. મહાકુંભ વિશે વાત કરીએ તો ટીવી ક્વીન એકતા કપૂર પણ પવિત્ર સ્નાન માટે પ્રયાગરાજ ગઈ હતી. તેમણે ત્યાંની કેટલીક ઝલક પણ શેર કરી. તેણે આખી સફર ખૂબ માણી. અત્યાર સુધીમાં ઘણા સેલેબ્સે પવિત્ર જળમાં ડૂબકી લગાવી છે.
