કેન્દ્રીય આરોગ્ય મંત્રી ડો.મનસુખ માંડવિયા અને વિજ્ઞાન અને ટેકનોલોજી મંત્રી જિતેન્દ્ર સિંહે ગુરુવારે ભારત બાયોટેકની કોવિડ-19 રસી ઇન્કોવાક (કોવિડ વેક્સીન iNCOVACC) લોન્ચ કરી હતી. હેટરોલોગસ બૂસ્ટર માટે આ વિશ્વની પ્રથમ ઇન્ટ્રાનાસલ કોવિડ રસી છે. ભારત બાયોટેક દ્વારા બનાવવામાં આવેલી આ ઇન્ટ્રાનાસલ વેક્સીન સરકારને 325 રૂપિયા પ્રતિ ડોઝ અને ખાનગી રસીકરણ કેન્દ્રો પર 800 રૂપિયા પ્રતિ ડોઝમાં ઉપલબ્ધ થશે.
Delhi | Union Health Minister Dr Mansukh Mandaviya and Science and Technology Minister Jitendra Singh launch Bharat Biotech’s nasal #COVID19 Made-in-India vaccine iNCOVACC. pic.twitter.com/cSpMIUTXsL
— ANI (@ANI) January 26, 2023
ભારત બાયોટેકને ડિસેમ્બર 2022માં પ્રાથમિક 2-ડોઝ અને હેટરોલોગસ બૂસ્ટર તરીકે આ રસી માટે મંજૂરી મળી હતી. અગાઉ સેન્ટ્રલ ડ્રગ્સ સ્ટાન્ડર્ડ કંટ્રોલ ઓર્ગેનાઇઝેશને 18 વર્ષ અને તેથી વધુ ઉંમરના લોકો માટે કટોકટીની પરિસ્થિતિઓમાં ઇન્ટ્રાનાસલ રસીના પ્રતિબંધિત ઉપયોગને મંજૂરી આપી હતી. તે એક ખર્ચ-અસરકારક કોવિડ રસી છે જેને સોય, આલ્કોહોલ વાઇપ્સ, પાટો વગેરેની જરૂર નથી.
ડિસેમ્બરમાં ત્રીજા તબક્કાના નિયંત્રિત ક્લિનિકલ ટ્રાયલમાં “COVID-19 ઇન્ટ્રાનાસલ રસી” (BBV154) સુરક્ષિત, સહનશીલ અને રોગપ્રતિકારક હોવાનું દર્શાવવામાં આવ્યું હતું. ત્યારે ભારત બાયોટેકે જણાવ્યું હતું કે BBV154 નાક દ્વારા આપવા માટે ખાસ તૈયાર કરવામાં આવી છે. કંપનીએ કહ્યું કે આ સાથે નાકની રસી ડિલિવરી સિસ્ટમને એવી રીતે ડિઝાઇન અને વિકસિત કરવામાં આવી છે કે તે ઓછી અને મધ્યમ આવક ધરાવતા દેશો માટે પોસાય છે.
આ રીતે આ રસી કામ કરે છે
કંપનીએ કહ્યું, ઇન્ટ્રાનાસલ વેક્સીન, BBI154 ઉપલા શ્વસન માર્ગમાં એન્ટિબોડીઝ ઉત્પન્ન કરે છે, જે કોવિડ-19ના ચેપ અને ફેલાવાની સંભાવનાને ઘટાડવામાં મદદ કરે છે. આ દિશામાં વધુ અભ્યાસનું આયોજન કરવામાં આવ્યું છે.
