મુંબઈ: આથિયા શેટ્ટી અને તેના પતિ કેએલ રાહુલે તેમના ચાહકોને ખુશખબરી આપી છે. તેઓ ટૂંક સમયમાં તેમના પ્રથમ બાળકનું સ્વાગત કરવા જઈ રહ્યા છે. જાન્યુઆરી 2023માં લગ્ન કરનાર આ ફેમસ કપલે ઈન્સ્ટાગ્રામ પર એક ક્યૂટ પોસ્ટ શેર કરતા લખ્યું છે કે તેઓ 2025માં પેરેન્ટ્સ બનવાના છે. નાનકડા મહેમાનની કિલકારી આથિયા શેટ્ટી અને કેએલ રાહુલના ઘરમાં ગુંજશે. સુનીલ શેટ્ટી ટૂંક સમયમાં દાદા બનવાના છે.
ટીમ ઈન્ડિયાના સ્ટાર બેટ્સમેન કેએલ રાહુલ અને અભિનેત્રી આથિયા શેટ્ટીએ શુક્રવારે 8 નવેમ્બરે ઈન્સ્ટાગ્રામ પર એક પોસ્ટ શેર કરીને ચાહકોને આ ખુશખબર આપી હતી. અથિયાએ ખુલાસો કર્યો કે તે આવતા વર્ષે તેના પહેલા બાળકને જન્મ આપવા જઈ રહી છે. જો કે અભિનેત્રીએ એ નથી જણાવ્યું કે તે કયા મહિનામાં આ ખુશખબર આપશે. પોસ્ટમાં લખ્યું હતું,’અમારું સુંદર આશીર્વાદ ટૂંક સમયમાં 2025માં આવી રહ્યું છે’ અને તેમાં બાળકના પગના નિશાન બનાવવામાં આવ્યા છે.
બોલિવૂડ એક્ટર સુનીલ શેટ્ટીએ પણ તેની પુત્રી આથિયાની આ પોસ્ટ શેર કરી છે અને તેના દાદા બનવાની ખુશી વ્યક્ત કરી છે. આથિયાએ તેના જન્મદિવસના થોડા દિવસો બાદ જ તેની પ્રેગ્નન્સીની જાહેરાત કરી છે. રાહુલ હાલમાં ઓસ્ટ્રેલિયામાં છે જ્યાં તે ભારત A તરફથી ઓસ્ટ્રેલિયા A સામે રમી રહ્યો છે. 2025માં આથિયા શેટ્ટી અને ક્રિકેટર કેએલ રાહુલના ઘરે ખુશીઓનું આગમન થશે.અભિનેત્રીએ પોતાની પ્રેગ્નન્સીની જાહેરાત કરી છે.રાહુલ-આથિયા ટૂંક સમયમાં માતા-પિતા બનવાના છે.
અથિયા શેટ્ટી-કેએલ રાહુલની લવ સ્ટોરી
બોલિવૂડ અભિનેત્રી આથિયા શેટ્ટી 2019માં કેએલ રાહુલને એક કોમન ફ્રેન્ડ દ્વારા મળી હતી. આ મીટિંગ પછી બંને મિત્રોમાંથી લવબર્ડ્સમાં ફેરવાઈ ગયા અને અંતે તેઓએ 23 જાન્યુઆરી, 2023 ના રોજ સુનીલ શેટ્ટીના ખંડાલા ફાર્મહાઉસમાં લગ્ન કર્યા. દંપતીએ તેમના પરિવારના સભ્યો અને નજીકના મિત્રોની હાજરીમાં સાત ફેરા લીધા. લગ્ન પહેલા તેઓ ચાર વર્ષ સુધી એકબીજાને ડેટ કરતા હતા.
