મુંબઈ: બોલિવૂડના કિંગ તરીકે ઓળખાતા શાહરૂખ ખાનની પુત્રી સુહાના ખાને અભિનેત્રી તરીકે પોતાની કારકિર્દીની શરૂઆત કરી છે. હવે વારો છે શાહરૂખ ખાનના પુત્ર આર્યન ખાનનો. પરંતુ આર્યન ખાને અભિનય નહીં પણ દિગ્દર્શનનો મુશ્કેલ રસ્તો તેની કારકિર્દી તરીકે પસંદ કર્યો છે. આર્યન ખાને મંગળવારે તેની ડેબ્યૂ સિરીઝ ‘સ્ટારડમ’ની પણ જાહેરાત કરી છે. આ OTT સિરીઝ શાહરૂખ ખાનના પ્રોડક્શન રેડ ચિલી હેઠળ બની રહી છે અને નેટફ્લિક્સ પર ટેલિકાસ્ટ કરવામાં આવશે. હવે આ સ્ટાર કિડના આ નિર્ણયની બોલિવૂડ એક્ટ્રેસ કંગના રનૌતે પ્રશંસા કરી છે.
બોલિવૂડ અને સ્ટારકિડ્સ સામે અવાજ ઉઠાવનાર કંગના રનૌત માટે આ કદાચ પહેલીવાર છે જ્યારે તે સ્ટારકિડ્સના વખાણ કરતી જોવા મળી છે. કંગનાએ આર્યન ખાનના આ સાહસિક નિર્ણયની પ્રશંસા કરતી એક ઇન્સ્ટાગ્રામ પોસ્ટ શેર કરી છે. કંગનાએ આ પોસ્ટમાં લખ્યું, ‘એ સારી વાત છે કે ફિલ્મ ઈન્ડસ્ટ્રીના બાળકો માત્ર મેકઅપ કરીને અને વજન ઘટાડીને એક્ટિંગનો સરળ રસ્તો પસંદ નથી કરી રહ્યા. આપણે સાથે આવવાની અને ભારતીય સિનેમાના ધોરણોને વધારવાની જરૂર છે. જેની પાસે સંસાધનો છે તેમની જવાબદારી ખાસ કરીને વધારે છે. મુશ્કેલ રસ્તો પસંદ કરવા બદલ આર્યન ખાન પ્રશંસાને પાત્ર છે. હું તેની સીરિઝની આતુરતાથી રાહ જોઈશ.
View this post on Instagram
આર્યન ખાન ડાયરેક્શનમાં ડેબ્યૂ કરશે
તમને જણાવી દઈએ કે આર્યન ખાને તેની સીરિઝ ‘સ્ટારડમ’ શરૂ કરી છે. આર્યન ખાનની માતા ગૌરી ખાન આ સિરીઝનું નિર્માણ કરી રહી છે. આર્યન ખાને પોતે તેની વાર્તા લખી છે અને તેનું દિગ્દર્શન પણ કરી રહ્યો છે. સિરીઝની વાર્તા તેના નામ પરથી જ સ્પષ્ટ છે. ફિલ્મી દુનિયા અને તેના રંગીન ગ્લેમરને પડદા પર રજૂ કરવાનો પ્રયાસ કરશે. સિરીઝની સ્ટાર કાસ્ટને લઈને હજુ સુધી કોઈ નક્કર માહિતી સામે આવી નથી. પોતાના પુત્રની સિરીઝની જાહેરાત કરતા શાહરૂખ ખાને લખ્યું, ‘આ ખૂબ જ ખાસ દિવસ છે, જ્યારે અમે એક નવી વાર્તાની જાહેરાત કરી રહ્યા છીએ. આજે આર્યન ખાન તેની ખાસ સફર શરૂ કરી રહ્યો છે. નવી સિરીઝ નેટફ્લિક્સ પર આવવાની છે. આ સિરીઝમાં ઘણો ડ્રામા અને ઈમોશન હશે અને તમને એક નવી દુનિયાની મુલાકાત લેવાની તક મળશે.
રેડ ચિલીઝ એ 19 થી વધુ ફિલ્મો બનાવી છે
શાહરૂખ ખાનના હોમ પ્રોડક્શન હાઉસ ‘રેડ ચિલીઝ’એ અત્યાર સુધીમાં દોઢ ડઝનથી વધુ ફિલ્મો બનાવી છે. તેણે શાહરુખ ખાનની ઝીરો, રઈસ, મેં હૂં ના, જબ હેરી મેટ સેજલ અને ડિયર જિંદગી જેવી ઘણી ફિલ્મો બનાવી છે. ગૌરી ખાન આ પ્રોડક્શન ચલાવે છે. હવે આર્યન ખાનની સિરીઝ આ પ્રોડક્શન હેઠળ બની રહી છે. જે નેટફ્લિક્સ પર આવતા વર્ષે 2025માં રિલીઝ થશે.
