મુંબઈ: બોલિવૂડમાં ઘણા એવા કપલ છે જેઓ લગ્ન પછી વર્ષો સુધી સાથે રહ્યાં. પરંતુ વર્ષો સુધી એક-બીજાનો સાથ આપ્યા પછી તેઓએ છૂટાછેડા લીધા છે. તાજેતરમાં જ મ્યુઝિક કમ્પોઝર એઆર રહેમાને લગ્નના 29 વર્ષ બાદ પત્ની સાયરા બાનુને છૂટાછેડા આપી દીધા છે. આ પહેલા પણ ઘણા કપલ્સ વર્ષોના લાંબા સફ પછી છૂટાછેડા લઈ ચૂક્યા છે. આ લિસ્ટમાં આમિર ખાનથી લઈને રિતિક રોશન સુધીના દરેકનો સમાવેશ થાય છે.
એઆર રહેમાન અને સાયરા બાનુએ 19 નવેમ્બરે તેમના અલગ થવાની જાહેરાત કરી હતી. કપલના છૂટાછેડાના સમાચારે બધાને ચોંકાવી દીધા.
સોહેલ ખાન અને સીમા સજદેહે વર્ષ 2022માં છૂટાછેડાની જાહેરાત કરી હતી. સીમા-સોહેલે લગ્નના 24 વર્ષ બાદ છૂટાછેડાની જાહેરાત કરી હતી. આ ખબરથી ચાહકો આશ્ચર્ય પામ્યા હતાં.
અરબાઝ ખાન અને મલાઈકા અરોરા વર્ષ 2017માં છૂટાછેડા લઈને અલગ થઈ ગયા હતા. લગ્નના 19 વર્ષ બાદ તેઓએ છૂટાછેડા લીધા હતા.
રિતિક રોશન અને સુઝેન ખાને વર્ષ 2000માં લગ્ન કર્યા હતા. વર્ષો પછી 2014 માં,તેઓએ છૂટાછેડા લેવનો નિર્ણય કર્યો હતો. હાલતમાં રિતિક રોશન સબા આઝાદ સાથે રિલેશનમાં છે.
આમિર ખાન અને કિરણ રાવ પણ 16 વર્ષ સુધી સાથે રહ્યા હતા. 2021માં તેઓ એકા-બીજાથી અલગ થઈ ગયા હતાં.
તમિલ અભિનેતા જયમ રવિએ પણ લગ્નના 15 વર્ષ બાદ આરતીને છૂટાછેડા આપી દીધા હતા. તેણે 2023માં તેની જાહેરાત કરી હતી.
ઈશા કોપ્પીકરે પણ 2009માં બિઝનેસમેન ટીમી નારંગ સાથે લગ્ન કર્યા હતા. લગ્નના 15 વર્ષ બાદ બંનેએ છૂટાછેડા લીધા હતા.
